Խորհրդային Միության Կոմունիստական կուսակցությունը մտահոգություն է հայտնել Լեռնային Ղարաբաղում զինված հակամարտության սանձազերծման կապակցությամբ՝ կոչ անելով կողմերին անհապաղ դադարեցնել կրակը: Կուսակցությունը միաժամանակ Հարավային Կովկասի տարածաշրջանում ապակայունացման աճող սպառնալիքի ֆոնին ընդգծել է իր խիստ մտահոգությունը Հայաստանի ներքաղաքական իրավիճակի զարգացման վերաբերյալ: «Պահանջում ենք անհապաղ ազատ արձակել ռուս-հայկական դաշնակցային հարաբերությունների զարգացման մշտական ջատագով Գագիկ Ծառուկյանին»,-նշված է հայտարարության մեջ:
Սփյուռքի հայաշատ գաղթօջախներում շարունակվում են բողոքի ցույցերը՝ ի աջակցություն Արցախի և հայ զինվորի: Հոկտեմբերի 1-ին Ֆրանսիայում Ադրբեջանի դեսպանատան առջև կայացած բողոքի ցույցին հաջորդել է հոկտեմբերի 8-ին Թուրքիայի դեսպանատան մոտ բողոքի ակցիան: Մասնակցել և ելույթ են ունեցել նաև Ֆրանսիայի ԱԺ պատգամավորներ, քաղաքական գործիչներ, որոնք Թուրքիայից պահանջել են անհապաղ դադարեցնել ցեղասպան քաղաքականությունը: Հաջորդ հավաքը ֆրանսահայերը կանցկացնեն գալիք շաբաթ՝ երկրի խորհրդարանի շենքի մոտ, Արցախի անկախությունը անհապաղ ճանաչելու պահանջով:
«Զինուժ մեդիա»-ն նոր տեսանյութ է հրապարակել, որտեղ Հարություն Դոխոյանը պատմում է, թե ինչպես է խոցել է 5 տանկ, 1 ՀՄՄ ու 1 ՏՕՍ: Դոխոյանը մեր օրերի հերոսներից մեկն է: «Դժվար ու էմոցիոնալ էր առաջին տանկը խոցելը, բայց հետո այն դարձավ սովորական»,- պատմել է փոքրամարմին ու ժպտերես տղան: Հերոսի ցանկությունը մեկն է՝ շուտափույթ ապաքինվել և կրկին կանգնել մեր պատմության հաղթական էջերը գրող ընկերների կողքին:
ՊՆ մամուլի խոսնակ Շուշան Ստեփանյանը Facebook–ի իր էջում հուզիչ տեսանյութ է հրապարակել պաշտպանության առաջնագծից: Տեսանյութում դրվագներ են օր ու գիշեր թշնամու դեմ մարտնչող մեր տղաների խաղաղության ակնթարթներից: Զենքին մի քանի րոպեով փոխարինել են կիթառը, մորն ու հայրենիքին ուղղված երգը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv