«Ակնհայտ է, որ «Դարի գործարքը» հավասարակշռությունից զուրկ է և իսրայելամետ». արաբագետ
«Ինձ հետ չի քննարկվել».Սեյրան Օհանյանը՝ տարածքներ հանձնելու հարցի մասին
ԱԺ ապրիլյան պատերազմի քննիչ հանձնաժողովի այսօրվա փակ նիստը տևել է շուրջ 3,5 ժամ: Բացատրություններ տալու հերթը բարձրաստիճան պաշտոնյաներինն է: Անդրանիկ Քոչարյանի ղեկավարած հանձնաժողովի հյուրը պաշտպանության նախկին նախարար Սեյրան Օհանյանն էր: Հանդիպումից հետո Օհանյանն ասել է, որ փակ դռների հետևում քննարկվել են ապրիլյան պատերազմի ժամանակ եղած թերություններն ու բացթողումները: «Էպիկենտրոնի» հարցին ի պատասխան՝ նախկին պաշտոնյան անդրադարձել է վարչապետի հայտարարությանն այն մասին, որ Սերժ Սարգսյանը ժամանակին բանակցել է տարածքներ հանձնելու շուրջ:
Ճապոնիայի նվերը Հայաստանին. 22 նոր հրշեջ մեքենաներն ուղևորվեցին Շիրակ, Լոռի և Սյունիք
ԱԻՆ ավտոպարկը համալրվել է 22 նոր հրշեջ փրկարարական մեքենաներով: Սա Ճապոնիայի կառավարության նվերն է Հայաստանին: Պաշտոնական միջոցառմանը ներկա են եղել ԱԻ նախարար Ֆելիքս Ցոլակյանը,Հայաստանում Ճապոնիայի դեսպան Ջուն Յամադան, մարզպետներ: Մեքենաները ուղևորվել են Շիրակի, Լոռու և Սյունիքի մարզեր:
«Վաղուց արդեն անցել է իշխանությունների փորձաշրջանի ժամանակը». Իվետա Տոնոյան
Սահմանադրական դատարանի շուրջ ստեղծված իրավիճակից մինչև «Ադեկվադ»-ի անդամներին բռնել-բաց թողնելու գործողություններ: Պատգամավորներն Ազգային ժողովի այսօրվա ճեպազրույցների ընթացքում անդրադարձել են ներքաղաքական հիմնական թեմաներին: «Իմ քայլը» խմբակցության ղեկավար Լիլիթ Մակունցը հայտարարել է, որ Սահմանադրությունը 2015թ–ի փոփոխություններից հետո լիարժեք չի գործում։ «Բարգավաճ Հայաստան» ու «Լուսավոր Հայաստան» խմբակցությունների պատգամավորները կարծում են՝ հարցը պետք է հանգուցալուծվի իրավական դաշտում, միևնույն ժամանակ չպետք է խախտվի իշխանության ճյուղերի անկախությունը:
1 տարում ավելի շատ ՀԸ-ներ են պատասխանատվության ենթարկվել, քան նախորդ 7 տարիներին. ՀՌՀ
6 միլիոն 200.000 դրամ: Այսքան է կազմել 2019 թվականին հեռուստատեսության և ռադիոյի հանձնաժողովի կողմից տուգանված 12 հեռուստաընկերությունների տուգանքի չափը: «Մեկ տարում ավելի շատ հեռուստաընկերություն է պատասխանատվության ենթարկվել, քան նախորդ յոթ տարիներին»,- ասել է հեռուստատեսության և ռադիոյի հանձնաժողովի նախագահ Տիգրան Հակոբյանը: Ըստ նրա՝ հանձնաժողովի համար արտոնյալներ չկան, հեռուստառադիո-ընկերությունները պետք է գործեն օրենքի տառին համապատասխան:
«Ատելության խոսքը լուրջ մարտահրավեր է նաև Հայաստանի համար». Ն.Զոհրաբյանի ելույթը ԵԽԽՎ-ում
Ստրասբուրգում ընթացող ԵԽԽՎ նստաշրջանում քննարկվել են մամուլի և լրագրողների ազատության ու անվտանգության խնդիրները։ Հայաստանի պատվիրակության անդամ Նաիրա Զոհրաբյանն իր ելույթում նշել է, որ ատելության, թշնամանքի խոսքն այսօր լուրջ մարտահրավեր է Եվրոպայում և նաև Հայաստանում, ինչը օր առաջ կասեցնել է պետք։«Ատելության, թշնամանքի խոսքը հասարակության մեջ խիստ վտանգավոր անջրպետ է առաջացրել, և այդ անջրպետը շարունակում է խորանալ։ Սոցիալական մեդիան վերածվել է պատերազմական առաջնագծի, որտեղ այլևս գործի են դրվում ատելության և թշնամանքի՝ զանգվածային ոչնչացման բոլոր հնարավոր զենքերը։ Սա կասեցնել է պետք»,- հայտարարել է Նաիրա Զոհրաբյանը։
Առողջություն և Գեղեցկություն 29.01.20 «Աերոֆլեքս» , գրգռված աղիներ
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv