«Ռոբերտ Քոչարյանի կալանքի տակ մնալու հանգամանքը բխում է նախաքննության շահերից», -կառավարության նիստից հետո հայտարարել է Հատուկ Քննչական ծառայության պետ Սասուն Խաչատրյանը: Ինչ վերաբերում է ՀՀ նախկին փոխվարչապետ Արմեն Գևորգյանին առաջադրված մեղադրանքին, ապա, ըստ ՀՔԾ պետի, «Վիկիլիքս» - ի հրապարակման հիման վրա չի նրա նկատմամբ մեղադրանք առաջադրվել, այլ դրա համար եղել են համակցված ապացույցներ։ Իսկ կառավարության նիստի օրակարգում ընդհանուր առմամբ ներառված է եղել 31 հարց, որից 3-ը՝ գաղտնի: Նիկոլ Փաշինյանն անդրադարձել է պետական կառավարման ապարատին: Ըստ վարչապետի՝ այն ուռճացված է , կառավարությունը գնալու է լրջագուն բարեփոխումների: Ի դեպ, լրագրողներն այսօր նիստերի դահլիճ չեն կարողացել մտնել: Վարչապետի մամուլի խոսնակ Արման Եղոյանը նիստից առաջ տեղեկացրել է, որ վերադառանում են շենքի անվտանգության նախկին ռեժիմին և լրագրողները այսօրվանից չեն կարող մուտք ունենալ նիստերի դահլիճ: Լրագրողերի դիտարկմանը, թե մի քանի ամիս է, ինչ հնարավորություն ունեն մուտք գործել կառավարության նիստերի դահլիճ, հիմա ինչպե՞ս է խախտվել անվտանգությունը, Արման Եղոյանն ասել է, որ խնդիրները լրացուցիչ պիտի քննարկի անվտանգության ծառայողների հետ:
Մեկ ամիս առաջ «Էրեբունի» ԲԿ քիթ-կոկորդ-ականջ հիվանդությունների բաժանմունքում կատարված ականջախեցու «Կոխլեար» իմպլանտացիայից հետո 7 երեխաներ առաջին անգամ կլսեն արտաքին աշխարհի ձայները: Արդեն 10 տարի է, ինչ Հայաստանում ծանրալսություն ունեցող երեխաները ստանում են լսելու և խոսելու հնարավորություն: Երկկողմանի ծանր լսողության և խլության դեպքում «Կոխլեար» իմպլանտացիան ձայները լսելու միակ հնարավորությունն է: Ծրագիրը Հայաստանում իրականացնում են «Էրեբունի» ԲԿ քիթ-կոկորդ-ականջ բաժանմունքի մասնագետները՝ ԱՄՆ-ում հայտնի ճապոնացի բժիշկ Ակիրա Իշիամայի հետ:
ԲՀԿ - ն Երևանի ավագանու ընտրություններին մասնակցելու է պոզիտիվ մեսիջներով՝ կարևոր համարելով այնպիսի ընտրությունների անցկացումը, որտեղ չպետք է լինի ատելություն։Երևանը պետք է լինի ապրելու հարմար քաղաք, որի ներքո ԱԺ «Ծառուկյան» խմբակցության պատգամավոր Նաիա Զոհրաբյանը դիտարկում է կանաչ, մաքուր, աղտոտվածությունից զերծ քաղաք ունենալու անհրաժեշտությունը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv