Այս տարի հարկատուների համար մի քանի փոփոխություններ են կատարվել: Պետական եկամուտների կոմիտեն 2021 թվականին բիզնեսի համար նորություններ ունի՝ շահութահարկի նվազեցումից մինչև ԱԱՀ գումարի վերադարձի նոր մեխանիզմ.ՊԵԿ-ից մանրամասնել են, թե ինչ փոփոխություններ են կատարվել, և ինչպես դրանք կանդրադառնան տնտեսության վրա:
Ներկայացվող տեսանյութը արցախյան պատերազմում կյանքը հայրենիքին նվիրաբերած Մարատ Մանուկյանի մասին է: 19-ամյա հետախույզը զոհվել է Ջրականում: Մարտի դաշտում 4 ընկերով միմյանց խոստացել էին՝ զոհվել չկա, ցավոք, միայն Մարատն էր, որ դրժեց երդումը: Այժմ նրա սխրանքների մասին պատմում են զինակից ընկերներն ու հարազատները:
Մոտ 10 ժամ ձնաբքի տակ մնացած և ցրտահարված տղայի կյանքը միայն հրաշքով է փրկվել: Պատանի լեռնագնացը ձյան գերության մեջ հայտնված ձիերին փրկելու նպատակով շտապել էր դեպի սարի գագաթը, սակայն մնացել էր ճանապարհին: Չնայած անմոռանալի և դաժան փորձությանը՝ մեր հաջորդ տեսանյութի հերոսը մտադիր է նորից լեռ մագլցել առաջին իսկ հնարավորության դեպքում:
Ադրբեջանը շարունակում է գերության մեջ պահել ոչ միայն պատանդառված հայ զինծառայողներին և քաղաքացիական անձանց,այլև մշակութային ժառանգության հազվագյուտ նմուշները: Շուշիի թանգարանների էքսպոնատները մնում են թշնամու ենթակայության տակ: Մշակութասեր հանրության համար որոշ հարցեր մնում են անպատասխան: Եթե պատմամշակութային հուշարձանները տեղափոխելն անհնար էր, ապա հնարավորներն ինչո՞ւ ժամանակին չեն տարհանվել:
Արտակարգ դեպք Երևանում: Մալաթիա – Սեբաստիա վարչական շրջանի Ամառանոցային 2-րդ տարածքում հոշոտել են ազգությամբ եզդի Սամվել Քոչարյանի 207 ոչխարները: Ֆերմերի պնդմամբ՝ ոչխարների սպանդն իրականացրել են թափառող շները: Իր կրած վնասի համար Սամվելը մեղադրում է «Թափառող կենդանիների վնասազերծման կենտրոնին՝ պնդելով, որ կառույցը մատնված է անգործության: Կենտրոնի տնօրենը, սակայն, մեղադրանքները չի ընդունում: Ըստ նրա՝ արարքը բնորոշ է ոչ թե շանը, այլ գայլերին: Ահազանգի հետքերով դեպքի վայր է գնացել «Էպիկենտրոն»-ի նկարահանող խումբը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv