Մայիսի 4-ին վերացվելու են քաղաքացիների տեղաշարժին ու տնտեսական գործունեությանը վերաբերող բազմաթիվ սահմանափակումներ: Ռեստորաններն ու սրճարանները գործելու են միայն բացօթյա տարբերակով: Տնտեսվարողները ոգևորությամբ են սպասում վերաբացմանը և արդեն սկսել են նախապատրաստական բուռն աշխատանքը: Մայրաքաղաքի դեռևս փակ սրճարաններում մեր գործընկեր Իզաբելլա Հովհաննիսյանին ասել են, որ պահպանելու են հիգիենայի խիստ կանոններն ու ապահովելու են սոցիալական հեռավորությունը:
«Ճգնաժամային իրավիճակում ու տնտեսական խնդիրների պայմաններում զբոսաշրջության ոլորտին դեռևս բավականաչափ ուշադրություն չի դարձվում»,-ահազանգում են տուրիստական ընկերությունները: Նրանց խոսքով՝ կառավարության տրամադրած օգնությունը թեև որոշ չափով օգնել է, սակայն չի ծածկել ոլորտի բոլոր խնդիրները: Գործարքներ չեն իրականացնում, բայց բոլոր պարտավորվածությունները դեռևս պահպանվում են: Անցնող տարում տուրիզմի վերակենդանացման որևէ ակնկալիք չունենալու պայմաններում տուրօպերատորներն այժմ աշխատում են հաջորդ տարի տուրիստների հոսք ապահովելու համար:
Արցախում գյուղատնտեսությունը ռազմավարական ճյուղ է հայտարարված: Ոլորտում կառավարության իրականացրած ծրագրերի թվում է նաև Ամարասի հովտի մշակությունը: Արտեզյան հորեր ու պոմպակայաններ կառուցելով՝ նախատեսվում է ոռոգման ջրով ապահովել մինչև 700 հեկտար տարածք, ինչը նշանակում է առաջիկա տարիների համար պտուղ-բանջարեղենի արտադրության ծավալների շեշտակի ավելացում: Ամարասի հովիտ է այցելել Արցախի նախագահ Բակո Սահակյանը:
«Բարգավաճ Հայաստան» կուսակցության նախագահ Գագիկ Ծառուկյանի գլխավորությամբ տեղի է ունեցել ԱԺ ԲՀԿ խմբակցության նիստը։ Քննարկվել են պանդեմիայի հետևանքով երկում ստեղծված իրավիճակը և ճգնաժամից դուրս գալու ուղիները: Գագիկ Ծառուկյանը հանձնարարել է նոր թափ հաղորդել դեռևս մարտ ամսին սկսած սոցիալական աջակցության խոշորամասշտաբ ծրագրերին: Այդ նպատակով «Բարգավաճ Հայաստան» խմբակցության պատգամավորները, սերտ կապ պահպանելով կուսակցության տարածքային կառույցների պատասխանատուների հետ , կշարունակեն շրջել մայրաքաղաքում և Հանրապետության մարզերում՝ թիրախավորոված աջակցություն հասցնելով բոլոր կարիքավորներին: Դրան զուգահեռ խմբակցությունը կշարունակի հանդես գալ ստեղծված բարդ իրավիճակից դուրս գալուն ուղղված օրենսդրական նախաձեռնություններով:
«Բարգավաճ Հայաստան» կուսակցության նախագահ Գագիկ Ծառուկյանի գլխավորությամբ տեղի է ունեցել ԱԺ ԲՀԿ խմբակցության նիստը։ Քննարկվել են պանդեմիայի հետևանքով երկում ստեղծված իրավիճակը և ճգնաժամից դուրս գալու ուղիները: Գագիկ Ծառուկյանը հանձնարարել է նոր թափ հաղորդել դեռևս մարտ ամսին սկսած սոցիալական աջակցության խոշորամասշտաբ ծրագրերին: Այդ նպատակով «Բարգավաճ Հայաստան» խմբակցության պատգամավորները, սերտ կապ պահպանելով կուսակցության տարածքային կառույցների պատասխանատուների հետ , կշարունակեն շրջել մայրաքաղաքում և Հանրապետության մարզերում՝ թիրախավորոված աջակցություն հասցնելով բոլոր կարիքավորներին: Դրան զուգահեռ խմբակցությունը կշարունակի հանդես գալ ստեղծված բարդ իրավիճակից դուրս գալուն ուղղված օրենսդրական նախաձեռնություններով:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv