Items filtered by date: Ուրբաթ, 02 Օգոստոսի 2019
Ուրբաթ, 02 Օգոստոսի 2019 22:00

Էպիկենտրոն 02.08.2019

 

 

Published in Էպիկենտրոն

Այսօր Պարոնյանի անվան թատրոնում վերջին հրաժեշտն են տվել Հայաստանի ժողովրդական արտիստ Երվանդ Ղազանչյանին: Նա ղեկավարում էր Երևանի Հակոբ Պարոնյանի անվան կոմեդիայի թատրոնը։ Սգո արարողությանը մասնակցել են մշակույթի գործիչներ, մտավորականներ: Վերջին հրաժեշտին նաև ներկա է գտնվել Հայաստանի նախկին վարչապետ Հովիկ Աբրահամյանը: Երվանդ Ղազանչյանի հուղարկավորությունը կատարվել է Երևանի քաղաքային պանթեոնում:

Ադրբեջանում նստել և մտածել են, որ հայերին հաղթելու համար պետք է լավ հայերեն իմանալ: Արդեն նույնիսկ հայագիտության կենտրոն են հիմնել, ուղղակի մի խնդիր կա՝ այդ երկրում շատ քիչ են հայերեն իմացողները: Հիմա հայտարարությամբ փնտրում են մարդկանց, որոնք վարժ տիրապետում են հայերենին: Նորաբաց կենտրոնը մտադիր է նաև լուրջ զբաղվել Լեռնային Ղարաբաղի հակամարտությամբ, իրենց խոստովանությամբ, աշխարհին հակամարտությունը ճիշտ ներկայացնելու համար:

«Սանիթեք» ընկերության երկար սպասված ասուլիսը կայացավ: «Սանիթեքը շարունակվում է ենթարկվել ագրեսիվ վարչական ճնշումների»,- պաշտոնապես հայտարարեց ընկերության ղեկավար Նիկոլաս Թավիլը: Նախապես հայտարարվել էր, որ ասուլիսը Թբիլիսիում կազմակերպելը միակ ճանապարհն էր «Սանիթեք»-ի տնօրինության համար անձամբ ներկայացնելու խնդիրը, քանի որ նրանց ներկայությունը Երևանում այս փուլում ցանկալի չէ` չունեն երաշխիքներ, որ ընկերության բաժնետերերի և ներկայացուցիչների նկատմամբ չեն իրականացվի ոչ իրավաչափ հետապնդումներ: Սակայն, ասուլիսը կայացավ Երևանում, բայց տեսակապով: «Սանիթեք»-ի ներկայացուցիչները հերքեցին իրենց հասցեին հնչող բոլոր մեղադրանքները, տեղեկացրին, որ մտադիր են դիմել միջազգային արբիտրաժի իրականացման: Մինչև այդ կհանդիպեն կառավարության ներկայացուցիչների հետ:

Եռաբլուրում Ապրիլյան պատերազմի զոհերի շիրմաքարեր պղծելու կասկածանքով բերման ենթարկված 51–ամյա կինը համապատասխան բացատրություն տալուց հետո ստորագրությամբ ազատ է արձակվել: «Էպիկենտրոնի» նկարահանող խումբը գնացել է նրա տան ուղղությամբ, բացառիկ նկարահանումներ արել ու մանրամասներ պարզել: Չնայած կինը տանը չի եղել, սակայն մեր տեսախցիկի առաջ խոսել է նրա որդին, պատմել, որ մայրը պարզապես իր ծնողների գերեզմանին է այցելել: Հարևաններն էլ ասել են, որ կինը վտանգավոր է և ունի որոշակի մտավոր խնդիրներ: Բացառիկ մանրամասները՝ Աիդա Կարապետյանի տեսանյութում:

Կեսօրին արտակարգ դեպք է տեղի ունեցել Կոտայքի մարզում: Երևան-Սևան ավտոճանապարհին դեռևս չպարզված հանգամանքներում պայթյուն է որոտացել, որի պատճառով երկու մեքենա վնասվել են, ճանապարհի մոտ 30 մետր հատված քանդվել է, դարձել դժվարանցանելի,տեղում աշխատում են փորձագետները: Դեպքի առթիվ հարուցվել է քրեական գործ:

Առողջապահական և աշխատանքի տեսչական մարմնի ղեկավար Էդգար Խուրշուդյանը փակագծեր է բացել, չի թաքցրել` լարված են հարաբերությունները առողջապահության նախարար Արսեն Թորոսյանի հետ, բայց հույս ունի` մի օր կհարթվեն: Արդյոք նախարարի ու տեսչական մարմնի ղեկավարի հարաբերությունները լարվե՞լ են, երբ բժիշկ Վահե Տեր-Մինասյանը եթերով «Գարդասիլ» պատվաստանյութի գովազդ էր արել, որից հետո տեսչական մարմինը տուգանել էր նախարարի նախկին խորհրդական Տեր-Մինասյանին: Այս և այլ սկանդալային հարցերի պատասխանել է Էդգար Խուրշուդյանը:

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« August 2019 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։