Հրաչյա Ռոստոմյանն այսօր ներկայացրել է 2018 նախարարության ծրագրերը
Սպորտի և երիտասարդության հարցերի նախարար Հրաչյա Ռոստոմյանն այսօր ներկայացրել է 2018 նախարարության ծրագրերը, նաև խոսել նախորդ տարվա կատարված աշխատանքի մասին, որոնց մեծ մասը գերակա խնդիր են և շարունակական են լինելու : Նախարարն ընդգծել է, որ մեծ աշխատանք է կատարվել հատկապես սպորտը մասսայականացնելու ուղղությամբ:
Այժմ լցված է Հայաստանի ջրամբարների մոտ 25 տոկոսը
Այժմ լցված է Հայաստանի ջրամբարների մոտ 25 տոկոսը, ինչը սակավաջուր որակված 2017 թվականի ցուցանիշից էլպակաս է: Ջրային տնտեսության պետական կոմիտեի նախագահ ԱրսենՀարությունյանը տեղեկացրել է, որ այս տարի նախորդի համեմատ արդեն ունենք 75 միլիոն խորանարդ մետր պակաս ջուր ջրամբարներում: Բայց դա չի նշանակում, որ հիմա պետք է լցված լիներ ջրամբարների 50 տոկոսը: Պարզապես ռիսկը այն է, որ հիմա արդեն հետ ենք մնացել նախորդ տարվա ցուցանիշից: Ցանկացած սցենարի դեպքում Սևանից 170 միլիոն խորանարդ ջուր բաց կթողնվի, իսկ հավելյալի մասին հետո կարելի է խոսել:
Սուպերվարչապետ թե՞ խորհրդարանական կառավարում
Սահմանադրության փոփոխությունն ի՞նչ տվեց ու ինչ կորցրեցինք. քննարկումը ծավալվել է խորհրդարանական ուժերի և հասարակական սեկտորի ներկայացուցիչների միջև:
Մեկնարկել է Ազգային ժողովի հերթական քառօրյան
Օրակարգում ընդգրկված է եղել մեկ տասնյակ հարց, որոնց մի մասը պատգամավորները քննարկել են կայծակնային արագությամբ: Սակայն մինչև օրակարգին անցնելը քննարկման է ներկայացվել գլխադասային հանձնաժողովների բացասական եզրակացություն ստացած Ելք խմբակցության ներկայացրած նախագիծը: Ելքը առաջարկում էր ստեղծել էթիկային հանձնաժողով, սակայն առաջարկությունը մերժվել է: Ծառուկյան խմբակցության փոխնախագահ Միքայել Մելքումյանն էլ հայտարարել է, որ կմիանան Ելքին ու կանցկացնեն արտահերթ նիստ թանկացումների վերաբերյալ: Կառավարությունը ևս մեկ փոփոխություն էր արժանացրել բացասական եզրակացության, որը առաջարկել էր Ծառուկյան խմբակցությունը: Փոփոխությունը վերաբերում էր Ընտրական օրենսգրքին, խմբակցությունը առաջարկում էր հանել ռեյտինգային համակարգը:
«Գագիկ Ծառուկյան» բարեգործական հիմնադրամը մեկ օրում մշակութային 2 ծրագիր է ֆինանսավորել
Լինել բոլոր այն արվեստագետների կողքին, որոնք ունեն աջակցության կարիք. «Գագիկ Ծառուկյան» բարեգործական հիմնադրամը մեկ օրում մշակութային 2 ծրագիր է ֆինանսավորել: Ալեքսանդր Սպենդիարյանի անվան օպերայի և բալետի ազգային ակադեմիական թատրոնի մենակատար Հայկ Տիգրանյանն արդեն երկրորդ անգամ հիմնադրամի հովանավորությամբ Գերմանիայում կներկայացնի հայ օպերային արվեստը: Իսկ տաղանդաշատ ջութակահարուհի Լուսինե Սարգսյանը Չեխիայում կմասնակցի «Պրահյան աստղաբույլ» մրցույթ փառատոնին: Հիմնադրամի տնօրեն Անահիտ Ծառուկյանը հանդիպել է Հայկ Տիգրանյանի և Լուսինե Սարգսյանի հետ, անձամբ հայտնելով նրանց աջակցելու՝ հիմնադրամի պատրաստակամությունը:
