Արտահերթ նիստ է գումարել Ազգային ժողովի տնտեսական հարցերի մշտական հանձնաժողովը: «Պետական տուրքի մասին» օրենքի նախագիծը երկրորդ ընթերցմամբ քննարկելուց առաջ որոշվել է ձևավորել աշխատանքային խումբ: «Բարգավաճ Հայասատան» խմբակցության պատգամավորները բոյկոտել են նիստը: Միքայել Մելքումյանը տեղեկացրել է, որ իրենք չեն մասնակցելու քննարկումներին: Հիշեցնենք, որ խնդրահարույց նախագծով առաջարկվում է Հայաստան ներմուծվող ցեմենտի վրա կիրառել տուրք՝ յուրաքանչյուր տոննայի համար 22 հազար դրամ, բայց միևնույն ժամանակ տուրք չի սահմանվում ցեմենտի հումքի՝ կլինկերի վրա, ինչի հետևանքով տեղական արտադրողները հայտնվելու են անհավասար մրցակցային պայմաններում: