Ֆուտբոլային հրավառություն՝  Կենտրոնի եթերում. Մեր հեռուստաընկերությունը սպասված անակնկալ է մատուցում ֆուտբոլի երկրպագուներին: Այուհետև աշխարհի ամենավարկանիշային և ուժեղագույն ֆուտբոլային առաջնությունը՝ Իսպանիայի ԼԱ ԼԻԳԱ-ն, բացառիկ իրավունքով լինելու է ՄԻԱՅՆ Կենտրոնի եթերում: Տուրի բոլոր կենտրոնական հանդիպումները, անզիջում դերբիները և իհարկե ակումբային ֆուտբոլի թիվ մեկ դիմակայությունը՝ Ռեալ Մադրիդ - Բարսելոնա Սուպեր Կլասսիկոն այս մրցաշրջանի ընթացքում Հայաստանում կցուցադրի ՄԻԱՅՆ Կենտրոն Հեռուստաընկերությունը: Արդեն վաղը՝ սեպտեմբերի 29-ին՝ ժամը 18:15-ին, մեր եթերում կարող եք դիտել Բարսելոնա - Ատլետիկ Բիլբաո հանդիպումը, դե իսկ 22:45-ին Մադրիդյան Դերբին է՝ Ռեալ – Ատլետիկո մրցավեճը: Իսկ թե ով է մեկնաբանելու Լա Լիգայի հանդիպումները Կենտրոնի հեռուստադիտողի համար, կիմանաք ՝ դիտելով Ահարոն Հայրապետյանի ռեպորտաժը:

Հարկային ոլորտի իրավական կարգավորումները կատարելագործելու համար որոշակի նորամուծություններ են արվել: ՊԵԿ Իրավաբանական վարչության պետը ներկայացրել է չորս հիմնական փոփոխություններ, որոնք վերաբերում են հարկ վճարողին ծանուցելու մեխանիզմներից մինչև վարչական տուգանքների կիրառմանը: Փոփոխություններից մեկը ենթադրում է« որ օպերատիվ-հետախուզության աշխատակիցներն այսուհետև չեն կարողանալու իրենց բացահայտած խախտումների քննություն իրականացնել: Կառավարության որոշմամբ՝ այդ գործառույթը հաձնվնել է իրավաբանական վարչությանը:

Վարչապետ Նիկոլ Փաշինյանը Տաջիկստանի մայրաքաղաք Դուշանբեում մասնակցել է ԱՊՀ մասնակից պետությունների ղեկավարների խորհրդի հերթական նիստին: Միջոցառմանը մասնակցել են Ռուսաստանի, Բելառուսի, Ղազախստանի, Ուզբեկստանի, Ադրբեջանի, Ղրղզստանի, Մոլդովայի նախագահները և Թուրքմենստանի փոխվարչապետը: Նախ տեղի է ունեցել խորհրդի նեղ կազմով նիստը, այնուհետև քննարկումները շարունակվել են ընդլայնված կազմով: Նիստի շրջանակում կառավարության ղեկավարը հանդիպումներ է ունեցել Ղազախստանի նախագահի հետ« ռեկորդային կարճ խոսակցություն Ալևի ու Պուտինի հետ: Լրատվամիջոցների աչքից չի վիրպել այն հանգամանքը, որ Տաջիկստանի նախագահի տված ոչ պաշտոնական  ընթրիքին վարչապետ Փաշինյանը նստած է եղել սեղանի վերջնամասում: ՀՀ արտգործնախարարությունը  բացատրել է պատճառը:

ԱԺ տարածքային կառավարման, գյուղատնտեսության և բնապահպանության հարցերի մշտական հանձնաժողովը քննարկել է Սևանա լճի հիմնախնդիրները:  Թեև  Սևանա լճի մակարդակը 3 սմ-ով բարձրացել է, սակայն ջրի որակի հետ կապված կան լուրջ խնդիրներ,-հայտնել է Բնապահպանության նախարար Էրիկ Գրիգորյանը: Պատասխանատու գերատեսչություններիի ներկայացուցիչները, գիտնականներն ու բնապահպանները խոսել են նաև,  թե ինչու էր այս տարի կանաչել Սևանը: Նիստն ընթացել է բավականին բուռն մթնոլորտումª վերածվելով լեզվակռվի ՀՀԿ խմբակցության պատգամավորի և բնապահպանների միջև:

Ֆրանկոֆոնիայի գագաթնաժողովի շրջանակներում Հայաստանում հոկտեմբերի 7-12-ը կգործի «Ֆրանկոֆոնիայի ավանը»: Ազատության հրապարակում կտեղադրվեն մոտ  20 երկրների տաղավարներ: Ֆրանսիան ևս կունենա իր տաղավարը, որը կլինի փոխանակումների և ուսուցման վայր՝  բաց բոլոր ֆրանկոֆոնների համար: