Items filtered by date: Չորեքշաբթի, 20 Հունվարի 2021
Չորեքշաբթի, 20 Հունվարի 2021 23:45

Էպիկենտրոն 20.01.2021

 

 

Published in Էպիկենտրոն
Չորեքշաբթի, 20 Հունվարի 2021 20:30

Անցուդարձ 20.01.2021

Published in Անցուդարձ

«Երբեք ավելի մեծ թվով գերիներ Հայաստան չեն վերադարձվել, որքան նոյեմբերի 9-ից հետո»,- այս մասին ԱԺ-կառավարություն հարց-պատասխանի ժամանակ հայտարարել է Նիկոլ Փաշինյանը: Վարչապետը համաձայնել է ԱԳ նախարարի այն հայտարարության հետ, որ Իլհամ Ալիևի հայտարարությունները սադրիչ են և իրարամերժ: Արա Այվազյանը, հակադարձելով պաշտոնական Բաքվին, հայտարարել է, որ Շուշին հայկական մշակութային կենտրոն է: Ընդդիմադիրները կոշտ հարցադրումներ են ուղղել վարչապետին՝ նրա հրաժարականի պահանջից մինչև դավաճանների փնտրտուք և Ալիևի կողմից իրեն ուղղված վիրավորանքներ: Արձագանքելով դրանցից մեկին՝ Փաշինյանը հայտարարել է.«Ավելի քիչ հողային կորուստներով պատերազմը կանգնեցնելու ոչ մի հնարավորություն չենք ունեցել»:

«Ադրբեջանի հետ Հայաստանի սահմանների որոշման գործընթացը չունի լեգիտիմություն և պետք է անհապաղ դադարեցվի կամ վերանայվի»,- հայտարարել է Մարդու իրավունքների պաշտպանը: Ըստ Արման Թաթոյանի՝ սահմանների որոշումն իրականացվում է առանց մասնագիտական մոտեցման ու պատշաճ իրավական հիմքերի՝ խախտելով տեղի բնակչության իրավունքները: Օմբուդսմենը բարձրաձայնել է նաև սահմանային բնակավայրերի խաղաղ բնակչության անվտանգության խնդիրը:

Նիկոլ Փաշինյանն այսօր այցելել է Աշխատանքի և սոցիալական հարցերի նախարարություն՝ ընթացիկ և առաջիկա ծրագրերին ծանոթանալու նպատակով: «Պետական կառավարման համակարգը ռեսթարթի անհրաժեշտություն ունի, և այսպիսի քննարկումներով նաև կփորձենք գործնականում իրագործել այդ նպատակը»,- հայտարարել է վարչապետը: Փաշինյանն անհրաժեշտ է համարել համակերպվելու քաղաքականությունը փոխարինել հաղթահարելու քաղաքականությամբ:

Առատ տեղումներից հետո երևանյան մի շարք փողոցներ, միջշենքային տարածություններ և մայթեզրեր շարունակում են մնալ չմաքրված: «Էպիկենտրոն»-ի խմբագրությունն ահազանգեր է ստացել, որ չմաքրված ձյան պատճառով խնդիրներ են առաջացել ինչպես մեքենաների, այնպես էլ հետիոտների տեղաշարժի համար: Քաղաքապետարանից պարզաբանել են, որ առաջնային կարգով մաքրել են մայրաքաղաքի գլխավոր ճանապարհները, շուտով հերթը կհասնի նաև մյուս փողոցներին:

Գյումրիում ցրտահարությունից 70-ամյա կին է մահացել: Շուշիկ Գյոդակյանը հիվանդանոց է տեղափոխվել հոգեվարքի մեջ՝ սառած վերջույթներով: Նրան հուղարկավորել են անօթևան և խնամքից դուրս մնացած հանգուցյալների համար նախատեսված վայրում: Տարեց կինն ապրում էր ծայրահեղ ծանր ու ցուրտ պայմաններում: Նրա հաշմանդամ ամուսինը սայլակով աղբ է հավաքում և այդ կերպ փորձում լուծել օրվա վառելիքի խնդիրը:

Մինչև 2023 թվականի ավարտը տարեկան 15 տոկոսով բարձրանալու է ծխախոտի արտադրանքի ակցիզային հարկի դրույքաչափը: Այս մասին խորհրդարանում հայտարարել է ֆինանսների փոխնախարար Արման Պողոսյանը: Այսպիսով, Եվրասիական տնտեսական միությունում ձևավորվելու է, այսպես կոչված, «ծխախոտի արտադրանքի պայմանական միասնական շուկա»: Ներկայացված հարցերը քննարկելուց հետո խոհրդարանը սպառել է օրակարգը:

Էջ 1, 2-ից

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։