Items filtered by date: Ուրբաթ, 23 Հոկտեմբերի 2020

Այսօր տեղի է ունեցել  «Բարգավաճ Հայաստան» կուսակցության քաղաքական խորհրդի նիստ, որը վարել է ԲՀԿ նախագահ Գագիկ Ծառուկյանը:  Քննարկվել է  ստեղծված պատերազմական ծանր իրավիճակը, կարևորվել է օր առաջ հումանիտար այս աղետը կանգնեցնելու հրամայականը  և նախանշվել են առաջիկա օպերատիվ  քայլերը: ԲՀԿ նախագահ Գագիկ Ծառուկյանը «Բարգավաճ Հայաստան» կուսակցության բոլոր անդամներին, մարզային կառույցների ներկայացուցիչներին կոչ է արել կամավորագրվել   կուսակցության կողմից ձևավորվող ջոկատին: «Ես անձամբ  եմ  առաջնորդելու ԲՀԿ կամավորականների ջոկատը և իմ բոլոր ռեսուրսներով ու հնարավորություններով  շարունակելու եմ լինել հայ զինվորի կողքին: Այսօր հայրենիքն ունի մեզանից յուրաքանչյուրի  կարիքը»,- հայտարարել է Գագիկ Ծառուկյանը:

Ադրբեջանը կասետային արգելված զինամթերք է կիրառում Արցախի խաղաղ բնակավայրերի ու քաղաքացիական օբյեկտների ուղղությամբ: Human Rights Watch իրավապաշտպան հեղինակավոր կազմակերպությունը ոչ միայն հաստատում է հայկական կողմի պնդումները, այլև բացահայտում Բաքվի շարունակվող հանցավոր գործելաոճն ու Ադրբեջանի քարոզչամեքենայի լկտի սուտը: Ի՞նչ են բացահայտել միջազգային կառույցի փորձագետները Արցախում. ուսումնասիրության ուշագրավ մանրամասները՝ ներկայացվող տեսանյութում:

Թոռը Երևանում է, ինքը՝ Ճարտարում, որդիներն էլ` ընդգրկված հայրենիքի պաշտպանության գործում: Խոսքը ՊԲ գնդապետ, արցախյան ազատամարտի ակտիվ մասնակից, մարտական խաչ 2-րդ աստիճանի շքանշանակիր, 2011թ-ին զոհված Սևակ Ղուկասյանի կնոջ՝ Իրինայի մասին է: Նա Ճարտարի Մոնթե Մելքոնյանի անվան նախադպրոցական հաստատության տնօրենն է: Մեկ ամիս է՝ չի տեսել սաներին, բայց վստահ է՝ շուտով երկրում խախաղություն կհաստատվի, բոլոր երեխաները կվերադառնան` ապրելու ազատ ու խաղաղ երկրում: Տեսանյութն ուղարկել են Արցախի մեր գործընկերները:

«Առաջին անգամ Թուրքիան ոչ միայն ուղղակի կերպով զենք է մատակարարում Ադրբեջանին, այլև թուրք գեներալներն անձամբ են ղեկավարում ռազմական գործողություններն ընդդեմ արցախահայության»,- Շանհայի համագործակցության կազմակերպության համաժողովում հայտարարել է ԲՀԿ խմբակցության պատգամավոր Միքայել Մելքումյանը: Նա նաև անդրադարձել է Արցախյան նոր պատերազմի առանձնահատկություններին` նշելով, որ ադրբեջանական բանակի կազմում կռվում են իսլամիստ-ծայրահեղականներ Սիրիայից:

Էջ 2, 2-ից

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« October 2020 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։