Հայաստանի իշխող՝ «Քաղաքացիական պայմանագիր» կուսակցությունը, 5-րդ համաժողովն է անցկացրել, որի ընթացքում կուսակցականները ընտրել են վարչության նոր կազմ: 21 տեղի համար 51 թեկնածու է առաջադրվել, իսկ վերահսկող հանձնաժողովի կազմի համար նախատեսված 7 տեղի համար 30 հայտ է ստացվել: Շուրջ 10 ժամ տևած համաժողովին մասնակցել է նաև կուսակցության վարչության անդամ Նիկոլ Փաշինյանը: Նա իր ելույթում խոսել է հետհեղափոխական Հայաստանի մասին: Կառավարության ղեկավարի ելույթը լսել ու կուսակցական ընտրությունների ընթացքին հետևել է Աիդա Կարապետյանը:

«Քաղաքացիական պայմանագիր» կուսակցության համաժողովի ընթացքում իշխող քաղաքական ուժի ներկայացուցիչները անդրադարձել են ներքաղաքական ամենատարբեր հարցերի: Լրագրողների աչքից չի վրիպել կուսակցության համաժողովին անկուսակցական Դավիթ Սանասարյանի մասնակցությունը: Ինչո՞ւ է նա միացել ՔՊ-ի ժողովին, ե՞րբ է մայրաքաղաքի տրանսպորտային համակարգը հրաժեշտ տալու Գազելներին, և ինչպե՞ս են խորհրդարանական իշխանավորներն ուզում «ԱԱԾ բերել» լրագրողների վրա: Համաժողովի կուլիսային խոստովանությունները՝ մեկ տեսաշարով: