«Երևանի քաղաքապետարանն իր կողմից արել է ամեն ինչ, սակայն «Սանիթեք» ընկերությունն այլևս չի կարողանում սպասարկել Երևան քաղաքին»,- այսօր ԱԺ-ում լրագրողներին ասել է Երևանի քաղաքապետ Հայկ Մարությանը: Խորհրդարանում Երևանի քաղաքապետից բացի նախորդ տարվա բյուջեի կատարողականներն են ներկայացրել մարզպետները: Արարատի մարզպետը չի կարողացել ծիծաղը զսպել կոկորդիլոսներին վերաբերող հարցին պատասխանելիս: Այսուհանդերձ, Գարիկ Սարգսյանը հստակեցրել է, որ կոկորդիլոսը սողուն է,երկկենցաղ, բայց ոչ թռչուն: Ավելին կպատմի Իզաբելլա Հովհաննիսյանը:
Խորհրդարանում այսօր աշխատանքային հանդիպում են ունեցել ֆինանսների փոխնախարարներն ու տնտեսագետները: Քննարկման թեման եղել է աշխատավարձի համահարթ հարկման համակարգը: Տնտեսագետները փորձել են համոզել ֆինանսական կառույցի ներկայացուցիչներին, որ համահարթ հարկումը ճիշտ որոշում չէ ու լի է վտանգներով: Նրանք առաջարկել են սահմանել հարկման երկու շեմ ու նվազագույն աշխատավարձ ստացողներից եկամտահարկ չպահել: Ինչպե՞ս է ավարտվել հանդիպումը՝ տեղյակ է Աիդա Կարապետյանը:
Վերաքննիչ քրեական դատարանում մեկնարկել է 2-րդ նախագահ Ռոբերտ Քոչարյանի գործով դատախազության ներկայացրած բողոքների քննությունը, որին ներկա է եղել ոչ միայն Մարտի 1-ի գործով առանցքային մեղադրյալ Ռոբերտ Քոչարյանը,այլև գլխավոր դատախազ Արթուր Դավթյանը: Դատախազությունը բողոքներ է ներկայացրել Քոչարյանի խափանման միջոց կալանավորումը Արցախի նախկին եւ ներկա նախագահների անձնական երաշխավորությամբ փոխելու եւ Մարտի 1-ի անջատված մասով գործի վարույթը կասեցնելու, ՍԴ դիմելու առաջին ատյանի դատարանի որոշումների դեմ: Պաշտպանական կողմն ինքնաբացարկի միջնորդություն է ներկայացրել դատավոր Արմեն Դանիելյանին։ «Հորդորում եմ ձեզ, առանց անձնավորելու խնդրում եմ՝ ինքնաբացարկ հայտնել»,-դատավորին ասել է Ռոբերտ Քոչարյանը: Նիստը հետաձգվել է, որպեսզի կողմերը գործի նյութերին լիարժեք ծանոթանալու հնարավորություն ստանան։ Նիստին զուգահեռ դատարանի բակում բողոքի ակցիաներ են տեղի ունեցել՝ ընդդեմ եւ ի պաշտպանություն Քոչարյանի:
Չդադարող նվիրատվություն: Մեր տեսանյութի հերոսը ամերիկաբնակ Լևոն Քիրաջյանն է: Նա «Հայաստան» համահայկական հիմնադրամի հավատարիմ նվիրատուներից է: Արդեն մոտ երեք տասնամյակ, առանց դադարի, ամեն ամիս իր լուման է ներդնում Հայաստանի ու Արցախի բարգավաճման գործում:
«Մուլտի Գրուպ» կոնցեռնի հիմնադիր Գագիկ Ծառուկյանի հետևողական աջակցությունը Արմավիրի և Արարատի մարզերի խաղողագործներին շարունակվում է: Գյուղատնտեսական աշխատանքների մեկնարկից առաջ Արմավիրի և Արարատի մարզերի խաղողագործները Գագիկ Ծառուկյանից առատ բերք ստանալու համար հենասյուներ էին խնդրել: Արմավիրի մարզի խաղողագործներին հենասյուների անհրաժեշտ խմբաքանակը տրամադրելուց հետո, Գագիկ Ծառուկյանի հանձնարարությամբ հենասյուներ են տրամադրվել նաև Արարատի մարզի խաղողագործներին: