Մամուլում հրապարակում էր եղել, թե դադարեցրել են վճարել երրորդ երեխայի ծննդյան համար գումարը: Մայրերն ահազանգել էին, որ դեռ քիչ է, որ երրորդ երեխայի ծննդյան միանվագ մեկ միլիոն դրամը միանվագ վճարելու փոխարեն վճարում են մաս-մաս, հիմա էլ արդեն երկու ամիս է, ինչ պետությունը դադարեցրել է վճարելը՝ սկսած 2018 թվականի հունվարից: Աշխատանքի և սոցիալական հարցերի նախարարությունը հերքում է այդ լուրը, պարզաբանում, որ նպաստի չափում կամ վճարման կարգում որևէ փոփոխություն չի եղել:
Երկու նախագիծ քննարկելուց և երեկվա բոլոր օրինագծերը քվեարկելուց հետո Հայաստանի Ազգային Ժողովն այսօր ավարտել է արտահերթ նստաշրջանը, որը հրավիրվել էր Կառավարության նախաձեռնությամբ և նրա սահմանած օրակարգով: Քննարկված հարցերից մեկը Տնտեսական մրցակցության պաշտպանության մասին օրենքի նախագիծն էր, որը ըստ հակամենաշնորհային հանձնաժողովի նախագահի խոսքով՝ էական փոփոխության է ենթարկվում: Հանրաքվեի մասին սահմանադրական օրենքի քվեարկության ընթացքը ընդդիմադիր Ելք խմբակցությունը համարել է վիճելի:
Գագիկ Ծառուկյան բարեգործական հիմնադրամը հանդես է եկել առողջապահական խոշորածավալ նախաձեռնությամբ: Հանրապետության տարբեր մարզերից և մայրաքաղաքից առողջական տարբեր խնդիրներով հիմնադրամին դիմած հարյուրավոր մարդիկ դրամական աջակցություն են ստացել: Հիմնադրամի տնօրեն Անահիտ Ծառուկյանը վստահեցրել է. նկատի ունենալով հիմնադրամին դիմած առողջական խնդիրներ ունեցողների սոցիալական վիճակը, այսպիսի աջակցությունները շարունակական են լինելու և որևէ դիմում անպատասխան չի մնա:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv