Երևանի քաղաքապետարանի դիմաց բողոքի ակցիա են իրականացրել Վարդաշենի հանրակացարանների բնակիչները՝ քաղաքային իշխանությունից իրենց շենքի վթարային վիճակի բարեկարգման հարցի լուծումը պահանջելով: Նրանց խոսքով՝ հանրակացարանի շենքը 4-րդ կարգի վթարային է, բայց սեյսմիկ եզրակացության մեջ գրված է միայն 3-րդ աստիճան: Խնդրին քաջատեղյակ են Երևանի ավագանու «Բարգավաճ Հայաստան» խմբակցության անդամները: Նրանք և քաղաքապետարանի շինարարության և բարեկարգման վարչության պետն ընդունել են քաղաքացիներին, հետո այցելել նաև Վարդաշեն՝ իրավիճակին տեղում ծանոթանալու համար: