Items filtered by date: Երեքշաբթի, 26 Փետրվարի 2019
Երեքշաբթի, 26 Փետրվարի 2019 22:15

Էպիկենտրոն 26.02.2019

 

 

Published in Էպիկենտրոն
Երեքշաբթի, 26 Փետրվարի 2019 20:15

Անցուդարձ 26.02.2019

Published in Անցուդարձ
Երեքշաբթի, 26 Փետրվարի 2019 20:02

Քաղաքապետարանը վտարո՞ւմ է ԶԼՄ-ներին

Քաղաքապետարանը Բյուզանդի 1/3 հասցեում տեղակայված որոշ լրատվամիջոցների խմբագրությունների ծանուցում է ուղարկել տարածքը լքելու մասին: Պարզվում է՝ այս հասցեում գործող որոշ լրատվամիջոցներ քաղաքապետարանին պատկանող կառույցում անհատույց կամ վարձակալական հիմունքներով տարածք են զբաղեցնում արդեն մի քանի տարի: Ըստ «Հրապարակ» օրաթերթի գլխավոր խմբագրի՝ գրության մեջ իրավական հիմնավորում չկա, տարածքը լքելու որոշումը բացատրվում է արդյունավետ օգտագործման անհրաժեշտությամբ: Որոշ լրատվամիջոցներ այդ ծանուցումը ստացել են այն ժամանակ, երբ լրացել է իրենց պայմանագրի ժամկետը,որոշներն էլ պնդում են, թե չեն պատրաստվում հեռանալ, ավելին՝ դատարան կդիմեն: Քաղաքապետարանը խոստացել է հանդես գալ պատասխան հայտարարությամբ:

Այսօր կայացել է Հայաստանի ազգային օլիմպիական կոմիտեի գործկոմի նիստը: Օրակարգում եղել են ամռանը Մինսկում կայանալիք Եվրոպական խաղերին մեր մարզիկների նախապատրաստական գործընթացների և բռնցքամարտի ֆեդերացիայի անդամակցությունը ՀԱՕԿ-ին սառեցնելու վերաբերյալ հարցերը: ՀԱՕԿ գլխավոր քարտուղար Հրաչյա Ռոստոմյանը նշել է, որ Բռնցքամարտի ֆեդերացիայի նախագահ Արթուր Գևորգյանն անցել է իրավական և բարոյական բոլոր սահմանները, և Ֆեդերացիայի շարունակական խախտումները ստիպում են վերանայել բռնցքամարտի ֆեդերացիայի անդամակցությունը ՀԱՕԿ-ին: Հարցը դրվել է քվեարկության և ընդունվել գործկոմի անդամների կողմից: Մարզաշխարհի ներկայացուցիչները նշել են, որ Արթուր Գևորգյանը չարիք է հայկական բռնցքամարտի համար:

Խառնաշփոթի մեջ է հայտնվել Երեւանի պետական համալսարանը: Վերջերս պետական վերահսկողության ծառայությունը բուհում խախտումներ է հայտնաբերել, որոնց գումարվել են ոստիկանության հայտնաբերած կաշառքի ու չարաշահումների դեպքերը: Բուհի ռեկտոր Արամ Սիմոնյանի անունն էլ շոշափվում է կաշառք վերցնելու գործով: Այսօր մի խումբ քաղաքացիներ հավաքվել են համալսարանի դիմաց եւ պահանջել անհիմն չմեղադրել ռեկտորին: Ցուցարարներն այստեղ դիտավորություն են տեսնում ՝ նշելով, որ փետրվարի 28-ին կայանալիք ԵՊՀ հոգաբարձուների խորհրդի նիստում Արամ Սիմոնյանին պաշտոնանկ անելու հարցն է քննարկվելու: Ակցիայի ժամանակ մասնակիցներին է մոտեցել Պետական վերահսկողական ծառայության սոցիալական ոլորտի վերահսկողության վարչության պետը և հայտարարել՝ «Ես ձերբակալված Դավիթ Ադյանն եմ»: Հիշեցնենք, երեկ տեղեկություն էր տարածվել, որ ԱԱԾ-ն ձերբակալել է Պետական վերահսկողական ծառայության 4 աշխատակցի, այդ թվում՝ երկու վարչությունների պետեր Ադյան եղբայրներին:

«Եվրամիության հետ վիզաների ազատականացման ժամկետ չկա»,- հերթական անգամ հիշեցրել է Հայաստանում Եվրամիության պատվիրակության ղեկավար, դեսպան Պյոտր Սվիտալսկին: Նա չի կարող հստակ ժամկետ կամ ամսաթիվ ասել: Գործընթացը տևական ժամանակ է պահանջում: Հայկական կողմը տեղյակ է միգրացիոն հարցերի հետ կապված Եվրամիության որոշ անդամ երկրների անհանգստության մասին: «Առաջընթաց կա, բայց դա քաղաքական որոշում է, որը պետք է միության երկրները կայացնեն»,- ասել է Սվիտալսկին: Հայաստանի և Եվրամիության միջև հարաբերությունները նա շատ ինտենսիվ է որակել, SEPA-ի շրջանակում երկխոսությունը՝ դինամիկ: Դեսպանն անդրադարձել է նաև Արցախի հակամարտության կարգավորմանը, քաջալերող համարել Հայաստանի և Ադրբեջանի ղեկավարների, նաև արտաքին գործերի նախարարների հանդիպումները:

«Դաբրոների կարգավորման ժամանակն անցյալում է»,- ասել է Հեռուստատեսության և ռադիոյի ազգային հանձնաժողովի նախագահ Տիգրան Հակոբյանն՝ անդրադառնալով Հանրային հեռուսատառադիոընկերության խորհրդի նախագահի սպասվող ընտրությանը: «Ես նույնիսկ լավ իմաստով ինձ անտեսված եմ զգում: Ո՛չ վարչապետի, ո՛չ փոխվարչապետների հետ չեմ շփվում, ոչ ոք չի ասում ինձ՝ «այս պետք է անես, այն պետք է անես»,- հավաստիացրել է Հակոբյանը: Ընկերության նախագահ Ռուբեն Ջաղինյանի պաշտոնավարման ժամկետն ավարտվում է: Նոր նախագահի անունը հայտնի կդառնա ապրիլին: Հեռուստատեսության և ռադիոյի ազգային հանձնաժողովի նախագահը խոսել է նաև հեռուստաընկերությունների առաջ ծառացած խնդիրների մասին:

Վերաքննիչ դատարանները նշում են հիմնադրման 20 ամյակը: Դատական մարմինը ստեղծվել է 1999 թվականի հունվարի 12-ին, երբ ուժի մեջ են մտել «Դատարանակազմության մասին» օրենքը և քաղաքացիական դատավարության օրենսգիրքը, որոնցով ամրագրվել է դատական իշխանության եռաստիճան կառուցվածք: 20ամյա կառույցը միշտ հետաքրքրել է մարդկանց՝ հասկանալու, թե որտեղից է սկսվում ու ինչպես է փոխվում մարդու ճակատագիրը: Հոբելյանական օրվա առթիվ փակ մարմինը բացել է բոլոր դռները: Արգելված գոտում եղել ու դատարանի փակ դռները բացել է նաև Աիդա Կարապետյանը:

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« February 2019 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28      

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։