Լույս է տեսել ցմահ դատապարտյալ Գարեգին Սարգսյանի երրորդ գիրքը
Մարդու հոգին ազատ է՝ անկախ նրա գտնվելու վայրից, եթե անգամ նա լինի անազատության մեջ: Լույս է տեսել ցմահ դատապարտյալ Գարեգին Սարգսյանի երրորդ գիրքը: «Նուբարաշեն» քրեակատարողական հիմնարկում տեղի է ունեցել դատապարտյալի՝ «Խորագիտական գանձարան» խորագրով բանաստեղծությունների և ասույթների գրքի շնորհանդեսը: «Իմ գրքերում հիմնականում արտացոլված է իրական կյանքը՝ իր լավ և վատ կողմերով»,- ասել է ցմահ դատապարտյալը:
«Ժողովրդից գողացողը պետք է բռնվի,բարոյապես ոչնչացվի և ուղարկվի բանտ».Ն.Փաշինյան
«Ժողովրդից գողացողը պետք է բռնվի,բարոյապես ոչնչացվի և ուղարկվի բանտ».Ն.Փաշինյան
Կառավարության որոշմամբ՝ մինչև 2018թ. դեկտեմբերի 30-ը գնված աջակողմյան ղեկով մեքենաները կարելի է ներմուծել մինչև 2019 թվականի մայիսի 1-ը: «Այս թեմային այլևս երբեք չենք անդրադառնալու»,- որոշման ընդունումից հետո հայտարարել է Վարչապետ Նիկոլ Փաշինյանը: Կառավարության նիստում քննարկվել է նաև Զինված ուժերի սննդի ապահովմանը միտված փորձնական ծրագիր իրականացնելու և գնման գործընթացը կազմակերպելու մասին որոշման նախագիծը: Վարչապետն ընդգծել է, որ այս նախագծով առանձնահատուկ պատասխանատվություն է դրվում Պաշտպանության նախարարության վրա: «Զինվորի հացի հարցն է լուծվում, և վայ նրան, ով այս պրոցեսում որևէ այլ մոտիվացիայով կառաջնորդվի», - ասել է երկրի ղեկավարը:
Նոր օրհներգի տեքստի համար տասնյակից ավելի հայտ է ստացվել
Պետական օրհներգի փոփոխության թեման նորից ակտուալ է: Վերջերս մեծ հնչեղություն ստացած հարցը նորից օրակարգ է մտել՝ դառնալով հանրային քննարկման առարկա: Ավելին՝ ԱԺ փոխոսնակ Ալեն Սիմոնյանը ֆեյսբուքի իր էջում տեղեկացրել էր, որ Արամ Խաչատրյանի երաժշտության համար հայտարարվել է բանաստեղծության մրցույթ: Ստեղծվել է հանձնաժողով, որը երկու ամիս անց կամփոփի մրցույթի տվյալները: Օրհներգը փոխելու հարցը, սակայն, Խորհրդարանի օրակարգ չի մտնի: «Պարզապես նոր տարբերակը կմնա ժողովրդի գլխում և կփոխվի այն ժամանակ, երբ պահը հասունանա», -ասել է Ալեն Սիմոնյանը: Կարիք կա՞ արդյոք փոխելու պետականության հիմնական սիմվոլներից մեկը՝ փորձել է պարզել Աիդա Կարապետյանը:
Քոչարյանների ընտանիքի նկատմամբ հետապնդում չկա. ԱԱԾ տնօրեն
Ռոբերտ Քոչարյանի ու նրա ընտանիքի նկատմամբ քաղաքական հետապնդում չկա: ԱԱԾ տնօրենը հերքում է 2-րդ նախագահի կողմնակիցների մեղադրանքները և նշում, որ դատական գործերը սկսվում են փաստերի հիման վրա: Արթուր Վանեցյանը չի բացառել, որ կարող են ուսումնասիրվել նաեւ Հայաստանի առաջին նախագահ Լեւոն Տեր-Պետրոսյանի հետ կապվող իրադարձությունները: Իսկ երրորդ նախագահ Սերժ Սարգսյանի եղբորորդին` Ֆրանկլին Գոնսալես կեղծանունով հայտնաբերված Նարեկ Սարգսյանը, Վանեցյանին չի զանգահարել եւ ոչինչ չի ասել: Ինչ վերաբերում է Ալեքսանդր Սարգսյանի գործին, ապա այն դեռ չի ավարտվել, պետությանը տված 11 միլիոն դոլարից ավելի գումարը նրա չկատարած պարտավորություններն են: Կրթության նախարարն ու Պետական վերահսկողական ծառայության պետն էլ խոսել են ԵՊՀ-ի վերջին օրերի աղմկոտ իրադարձությունների մասին:
«Կենտրոն» ՀԸ-ի հետ գործակցությամբ վարչապետի տիկինը կսկսի «Քայլ առ քայլ» նախագիծը
«Իմ քայլը» և «Ժպիտների քաղաք» հիմնադրամները ամփոփել են մոտ կես տարվա գործունեության արդյունքները: Երկու հիմնադրամների հաշվեհամարներին ընդհանուր առմամբ մուտքագրվել է 1 միլիարդ դրամից ավելի գումար: Դրա մի մասով արդեն իսկ իրականացվել են բազմաթիվ ծրագրեր, օգնություններ են տրամադրվել հիմնականում խոցելի խմբերին: Հիմադրամների հոգաբարձուների խորհրդի նախագահ Աննա Հակոբյանը պատմել է արձանագրած ցուցանիշների և ապագայի անիլիքների մասին:
Վրաստանի ՊՆ-ն Հայաստանի ՊՆ-ին հրավիրում է մասնակցելու ՆԱՏՕ-ի զորավարժություններին
Հայաստանում է Վրաստանի պաշտպանության նախարար Լևան Իզորիան: Նա նոր կառավարության ձևավորումից հետո վրացի առաջին պաշտոնյան է, ով ժամանում է մեր երկիր: Պաշտպանության նախարար Դավիթ Տոնոյանի հետ հանդիպումից հետո պաշտոնակիցները հակիրճ ամփոփել են քննարկումների արդյունքները: Երկու նախարարները համաձայնել են պաշտպանական գործակցությունը զարգացնելու և դրա մեջ նոր ոլորտներ ներառելու հարցերում։ Այսօր նաև ստորագրվել է երկու երկրների նախարարությունների միջև գործակցության ամենամյա ծրագիրը: Վրաստանի պաշտպանության պատասխանատուն հայկական կողմին հրավիրել է մասնակցելու ՆԱՏՕ-ի զորավարժություններին: