Սկանդալային գրառում՝ համեմված սուր մեղադրանքներով ու վիրավորական արտահայտություններով. Հեռակա բանավեճ է սկսվել Հայոց ցեղասպանության թանգարան-ինստիտուտի նախկին տնօրեն Հայկ Դեմոյանի ու կրթության և գիտության նախարար Արայիկ Հարությունյանի միջև: Դեմոյանն այսօր Ֆեյսբուքի իր էջում փոթորկոտ գրառում է արել՝ ԿԳ նախարարին և նրա տեղակալին մեղադրելով իր սենյակ ապօրինի ներխուժելու մեջ: Նա խոստացել է նրանց վերաբերող բացահայտումներ անել սպառնալով՝ ,Տղաներ, շատ շուտով ձեզ պարացնելու ենք, չթուլանաք հանկարծ ու մի հաբռգեքե: Նախարար Արայիկ Հարությունյանը Դեմոյանի ձևակերպումները համարել է անմակարդակություն, ասելով, որ նա իրեն է վերագրել տնօրենի պարտականությունները: Նախարարությունն ունի բոլոր իրավունքները Դեմոյանի հակաիրավական գործողություններին վերջ տալու նպատակով իրավապահներին դիմելու համարե,-ասել է նախարարը: Սկանդալի հետքերով գնացել է Ահարոն Հայրապետյանը:
Առաջիկա հինգ օրերին Հանրապետության տարածքում օդի ջերմաստիճանը կբարձրանա 4-5 աստիճանով: Հայաստան կներթափանցեն Իրաքից եկող ջերմային տաք հոսանքներ: Եղանակային ի՞նչ փոփոխություններ են սպասվում և ինչպե՞ս գրագետ պաշտպանվել տաք հոսանքներից՝ մասնագետներին լսել է Նարե Ոսկանյանը:
Ընտրությունները չպետք է լինեն ո՛չ արհեստականորեն արագացված, ո՛չ էլ արհեստականորեն ձգձգված: Քաղաքական ուժերին պետք է բավարար ժամանակ՝ Ընտրական օրենսգրքի հանգիստ և պրոֆեսիոնալ փոփոխությունների իրականացման համար: Շատ կարևոր է նաև, որ ընտրությունների ժամկետի հարցում հիմնական քաղաքական դերակատարների միջև լինի կոնսենսուս : Այս մասին ԵԽԽՎ-ում հայկական պատվիրակության անդամներ Նաիրա Զոհրաբյանի և Միքայել Մելքումյանի հետ հանդիպմանն ասել է Վենետիկի հանձնաժողովի նախագահ Ջիանի Բուքիքիոն: ՙԷպիկենտրոնի՚ հետ հեռախոսազրույցում Նաիրա Զոհրաբյանը Ստրասբուրգից մանրամասներ է հաղորդել Վենետիկի հանձնաժողովի տնօրեն Թոմաս Մարկեթի, հանձնաժողովի նախագահ Ջիանի Բուքիքիոյի և հանձնաժողովի փորձագիտական անձնակազմի հետ այսօր կայացած հանդիպման վերաբերյալ:
Ադրբեջանի և Թուրքիայի արտաքին գործերի փոխնախարարները Հայաստանում էին: Նրանք մասնակցել են Սևծովյան տնտեսական գործակցության կազմակերպության անդամ պետությունների արտաքին գործերի նախարարների խորհրդի 38-րդ հանդիպմանը: ,Անընդունելի Է Սևծովյան տնտեսական գործակցության կազմակերպության գործունեությունը քաղաքականացնելու փորձերըե- հանդիպումից հետո ասել է Հայաստանի ԱԳ փոխնախարարը: Կարեն Նազարյանն ընդգծել է, որ վերջին տարիներին կազմակերպության խորհրդարանական վեհաժողովն աչքի է ընկնում քաղաքական հայտարարություններով, որի շրջանակներում ընդունվում են քաղաքականացված հայտարարություններ ու հռչակագրեր: