Հայաստանի  մրցակցության պաշտպանութան մարմինը խախտումներ է հայտնաբերել խտացրած կաթի, թթվասերի, յուղի և հալած պանրի իրացման ոլորտում:  Տնտեսական մրցակցության պաշտպանության պետական հանձնաժողովի  շուկայում  իրականացրած ուսումնասիրությունը  պարզել է, որ խտացրած կաթի և մյուս ապրանքատեսակների անվան տակ վաճառվել է բուսական յուղից պատրաստված մթերք:  Խախտում կատարած 30 անբարեխիղճ ընկերության արվել է  խիստ  նախազգուշացում:

Աշտարակի Վարդգես Պետրոսյանի անվան դպրոցում սովորում է 601 երեխա: Շենքի պայմանները  անմխիթար են, որը  բնակելի տներին մոտ միակ հիմնական դպրոցն է: Աշակերտները շատ են, բայց դասասենյակ չկա, եղածի գույքն էլ գրեթե անպիտան է: Ուսուցիչներն ու ծնողները բազմիցս ներկայացրել են  դպրոցի խնդիրները, բայց հուսադրող պատասխան չեն ստացել: Ինչ է սպասվում դպրոցին և ինչ քայլեր են ձեռնարկում կառավարությունն ու մարզպետարանը: 

Օրվան ընդառաջ կրթության փորձագետ Սերոբ Խաչատրյանն անդրադարձել է դպրոցների ֆինանսավորմանը, օպտիմալացմանը: Ըստ նրա, կրթության ոլորտը ներկայացնող մարդկանց պետք չէ միայն մեդալներ, պատվոգրեր տալ: Պետք է նաև դրամական խրախուսումներ տրվեն:

Հայաստանի Ազգային ժողովն այսօր սկսել է հերթական քառօրյա նիստը: Օրակարգում երեք տասնյակից ավելի օրենսդրական նախագծեր և միջազգային համաձայնագրեր են: Օրինագծերից մեկով, որն արժանացել է ընդդիմության կոշտ քննադատությանը, կառավարությունը առաջարկում է Երևանի ավագանու խմբակցություններին զրկել համաքաղաքային հանրաքվե անցկացնելու առաջարկով հանդես գալու իրավունքից: Խորհրդարանն այսօր լսել է ԵԱՏՄ-ից դուրս գալու հարցով զբաղվող հանձնաժողով ստեղծելու մասին ԵԼՔ խմբակցության առաջարկը: