Պատմական ավանդույթը վերականգնվում է բարեգործական նախագծով: Նախաձեռնությունը Վատիկանում ՀՀ արտակարգ և լիազոր դեսպան Միքայել Մինասյանինն է : Արցախի եկեղեցիներին հայկական ոճով գորգերի նվիրաբերման հանդիսավոր արարողությանը Գանձասարի վանքում մասնակցել է Արցախի նախագահ Բակո Սահակյանը : Նա երախտագիտություն է հայտնել ինչպես նախաձեռնության հեղինակներին, այնպես էլ բոլոր այն մարդկանց, որոնք ներգրավված են դրա իրականացման գործում՝ նշելով, որ այն ունի մշակութային, ազգագրական, նաեւ կարեւոր հասարակական նշանակություն:
Քրդական աշխատավորական կուսակցության առաջնորդ ցմահ բանտարկված Աբդուլլահ Օջալանից լուր չունենալու դեպքում հայաստանաբնակ քրդերն էլ պատրաստվում են իրենց եղբայրների նման դիմել նստացույցի: Օջալանի ազատ արձակումը, ըստ Շանգալի անդամների, կարող է տարածաշրջանում հանգեցնել խաղաղության:
Խորհրդարանական քառօրյան շարունակվում է: Պետք է ծառայեն բոլորը, - ԱԺ ամբիոնից հայտարարել է ՊՆ Վիգեն Սարգսյանը՝ Զինվորական ծառայության եւ զինծառայողի կարգավիճակի մասին օրենքի նախագիծը ներկայացնելու ժամանակ: Տարկետման վերացում, Ես եմ և Պատիվ ունեմ ծրագրերի ապահովում, զորակոչի հայտարարման կարգի փոփոխություն և բազմաթիվ այլ նորություններ: Աղմուկ հանած նախագծի վերաբերյալ պատգամավորները բազմաթիվ հարցեր են ուղղել պաշտպանական գերատեսչության ղեկավարին:
Մուլտի Գրանդ հյուրանոցային համալիրում այսօր կայացել է Եվրասիական միջկառավարական խորհրդի հերթական նիստը՝ Եվրասիական տնտեսական միության անդամ պետությունների վարչապետների մասնակցությամբ: Օրակարգում ընդգրկված են եղել ներքին շուկաների գործունեությանը, առևտրին, ագրոարդյունաբերությանը, էներգետիկայի և ենթակառուցվածքների ոլորտներին վերաբերող հարցեր: Նիստի ընթացքում քննարկվել են ԵԱՏՄ շուկայում 2018-2019 թվականներին սահմանափակումների վերացման միջոցառումների ճանապարհային քարտեզը: Նիստի մասնակիցներն անդրադարձել են նաև ԵԱՏՄ էլեկտրաէներգետիկական ընդհանուր շուկայում տեղեկության փոխանակման հարցին:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv