Տևական ժամանակ է, ինչ օրը բաժանված է երկու հատվածի:Օրվա երկրորդ կեսին ու հատկապես երեկոյան մեկը մյուսին հաջորդում են քրեաիրավական նորություններ՝ մեկը մյուսից սենսացիոն բացահատումներ, խուզարկություններ, ձերբակալություններ ու կալանավորումներ:Անցնող օրը ևս երկար սպասեցնել չի տվել:ԱԱԾ – ն խուզարկություն է իրականացրել հայտնի քրեական հեղինակություն Արտյոմ Կանևսկոյին՝ Արտյոմ Հարությունյանին պատկանող գրասենյակում, ,Ֆլեշե ՍՊԸ նախագահ Բարսեղ Բեգլարյանը կասկածվում է ինքնիրավչության մեջ, վաղ առավոտյան էլ տարածվեց տեղեկություն, որ նախորդ օրը Պետական պահպանության ծառայության պետի նախկին տեղակալ Վաչագան Ղազարյանը կալանավորվել է:Էպիկենտրոնի տեսախցիկը Հալաբյան փողոցում ֆիքսել է ԱԱԾ աշխատակիցներին:
Հայաստանի վարչապետն ապագայում կունենա մեկ նստավայր, և Բաղրամյան 26-ը կվերադարձվի նախագահի աշխատակազմին: Այդ մասին կառավարության նիստում հայտարարել է Նիկոլ Փաշինյանը՝ անդրադառնալով ՀՀ վարչապետի աշխատակազմի տեղակայման վայր սահմանելու որոշման նախագծին, որով Երևանի Մարշալ Բաղրամյան պողոտա 26 և Հանրապետության հրապարակ, Կառավարական տուն 1 հասցեները սահմանվում են վարչապետի տեղակայման վայրեր: ,Տարօրինակ իրավիճակ է, երբ վարչապետը երկու շենքում է գտնվում: Մենք ամենևին չենք մոռացել, թե ինչն ենք քննադատել: Կարծում եմ՝ վարչապետը պետք է հրաժարվի Բաղրամյան 26-ի նստավայրից, այն մենք կվերադարձնենք ՀՀ նախագահին, ինչպես նախկինում եղել է: Արարողակարգային որոշակի պարտականություններ կան, որը կապված է շենքային պայմանների հետ: Հնարավորինս կարճ ժամանակում հարցը կլուծենք,-շեշտել է Նիկոլ Փաշինյանը։
Հայաստանի երրորդ նախագահ Սերժ Սարգսյանի եղբոր՝ Ալեքսանդր Սարգսյանի մոտ հայտնաբերված զենքը եղել է օրինական,-կառավարության նիստից առաջ լրագրողների հետ զրույցում հայտնել է Ոստիկանապետը Վալերի Օսիպյանը: Նա վստահեցրել է որ Սերժ Սարգսյանի եղբոր հետ կապված իրեն ուղղված ճնշումներ չեն եղել: Ուժային կառույցների ղեկավարներն անդրադարձել են նաև վերջին օրերի աղմկահարույց իրադարձություններին:
Հայաստանի ազգային օլիմպիական կոմիտեի նախագահ Գագիկ Ծառուկյանը, խոստմանը հավատարիմ, դրամական պարգևներ է հանձնել հաղթանակած հայ բազկամարտիկներին և ուժային եռամարտիկներին: Հիշեցնենք, որ ուժային եռամարտի Հայաստանի հավաքականը Ուկրաինայի Լուցկ քաղաքում կայացած աշխարհի առաջնությունում նվաճել էր 23 մեդալ, իսկ բազկամարտիկները Եվրոպայի առաջնությունից հայրենիք էին վերադարձել 14 մեդալով: Գագիկ Ծառուկյանը նշել է, որ յուրաքանչյուր մարզիկ ցուցաբերած արդյունքի դիմաց պետք է արժանիորեն գնահատվի: Նա մարզաշխարհի ներկայացուցիչներին հայտնել է իր հերթական անակնկալի մասին:
Հայաստանի ազգային օլիմպիական կոմիտեի նախագահ Գագիկ Ծառուկյանը, խոստմանը հավատարիմ, դրամական պարգևներ է հանձնել հաղթանակած հայ բազկամարտիկներին և ուժային եռամարտիկներին: Հիշեցնենք, որ ուժային եռամարտի Հայաստանի հավաքականը Ուկրաինայի Լուցկ քաղաքում կայացած աշխարհի առաջնությունում նվաճել էր 23 մեդալ, իսկ բազկամարտիկները Եվրոպայի առաջնությունից հայրենիք էին վերադարձել 14 մեդալով: Գագիկ Ծառուկյանը նշել է, որ յուրաքանչյուր մարզիկ ցուցաբերած արդյունքի դիմաց պետք է արժանիորեն գնահատվի: Նա մարզաշխարհի ներկայացուցիչներին հայտնել է իր հերթական անակնկալի մասին: