Items filtered by date: Չորեքշաբթի, 18 Սեպտեմբերի 2019
Չորեքշաբթի, 18 Սեպտեմբերի 2019 22:15

Էպիկենտրոն 18.09.2019

 

 

Published in Էպիկենտրոն
Չորեքշաբթի, 18 Սեպտեմբերի 2019 20:00

Անցուդարձ 18.09.2019

Published in Անցուդարձ

Ոչ քաղաքական հարթակները քաղաքական նպատակներով օգտագործելու ադրբեջանցիների գործելաոճը չի փոխվում: Այս անգամ էլ Սևծովյան տնտեսական համագործակցության խորհրդարանական վեհաժողովի աշխատանքներն են փորձել օգտագործել իրենց օրակարգն առաջ տանելու համար: Բոլոր փորձերը կանխվել են Հայաստանի ԱԺ նախագահի տեղակալի` Վահե Էնֆիաջյանի ջանքերով: ԲՀԿ-ական պատգամավորը հիշեցրել է ադրբեջանցիներին՝ Արցախը երբեք Ադրբեջանի կազմում չի եղել, և նրանց չի հաջողվի խեղաթյուրել պատմական փաստերը:

Չորեքշաբթի, 18 Սեպտեմբերի 2019 18:16

Հրաժարական տված Օսիպյանը նոր պաշտոն ունի

Աղմկոտ հրաժարականների շքերթը շարունակվում է: Երեկվանից մամուլում ակտիվորեն քննարկվող տեղեկությունը պաշտոնապես հաստատվեց: Ոստիկանապետ Վալերիյ Օսիպյանը հրաժարական է ներկայացրել: Նախագահ Արմեն Սարգսյանը, ստանալով վարչապետի առաջարկը, օրվա երկրորդ կեսին, ստորագրել է Օսիպյանին ոստիկանապետի պաշտոնից ազատելու հրամանագիրը: Արդեն նախկին ոստիկանապետը գործընկերներին հրաժեշտ է տվել կոլեգիայի նիստում: Թավշյա հեղափոխությունից հետո պաշտոնի եկած Վալերիյ Օսիպյանը հրաժարականի պատճառների մասին նախընտրել է առայժմ չխոսել: Ավելի ուշ հայտնի դարձավ, որ նա նշանակվել է վարչապետի գլխավոր խորհրդական:

«Սանիթեք»-ի աշխատակիցները քաղաքապետարանի մոտ նորից բողոքի ակցիա են իրականացրել: Կրքերն այնքան են բորբոքվել, որ ցույցի մասնակիցներն անակնկալ վազել են փողոց, փորձել ճանապարհ փակել: Ոստիկանությունը ուժով նրանց հետ է պահել, ապա պատ կազմել, որպեսզի «Սանիթեք»-ի աշխատակիցները չկարողանան քաղաքապետարան մտնել: Միջադեպից հետո նրանց է մոտեցել քաղաքապետի մամուլի խոսնակը, ցույց տվել փոխանցումը հաստատող տեղեկանք: Հակոբ Կարապետյանն ասել է, որ քաղաքային իշխանությունը քայլեր է ձեռնարկում օգոստոս ամսվա երկրորդ կիսամյակում «Սանիթեք»-ի կատարած աշխատանքի վարձատրությունը փոխանցել հենց աշխատակիցների բանկային հաշվեհամարներին:

Պաշտոնական դիրքը չարաշահելու համար մեղադրանք է առաջադրվել նախկին ոստիկանապետ Վլադիմիր Գասպարյանին: Քննչական կոմիտեում քննվող քրեական գործով պարզվել են մի շարք հանգամանքներ: Վլադիմիր Գասպարյանի նկատմամբ որպես խափանման միջոց է ընտրվել ստորագրություն չհեռանալու մասին: Նախկին ոստիկանապետի պաշտպան Տիգրան Աթանեսյանը ֆեյսբուքի իր էջում գրել է, որ առաջադրված մեղադրանքին Գասպարյանը լուրջ չի վերաբերվում, քանի որ այն զավեշտի աստիճանի անհիմն է:

Ուժային հաջորդ կառույցի ղեկավարը, որի պաշատոնանկության մասին ևս ակտիվորեն խոսվում է, Պաշտպանության նախարարն է: Դավիթ Տոնոյանը, սակայն, լրագրողների հետ զրույցում հերքել է տեղեկությունը, վստահեցրել՝ Նիկոլ Փաշինյանի հետ տարաձայնություններ չունի: Դավիթ Տոնոյանն անդրադարձել է նաև Արթուր Վանեցյանի և Վալերիյ Օսիպյանի հրաժարականներին, խոսել ապրիլյան պատերազմի հանգամանքները քննող հանձնաժողովի գործունեության մասին: Պաշտպանության նախարարը խորհրդարան էր եկել՝ մասնակցելու ԱԺ մարդու իրավունքների պաշտպանության և հանրային հարցերի հանձնաժողովի փակ նիստին:
Հեղինակ՝ Վաչիկ Գրիգորյան

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« September 2019 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։