Թեև ոստիկանությունն Ազատության հրապարակից բերման էր ենթարկում 17 կուսակցությունների հրավիրած հանրահավաքի մասնակիցներին, այդ թվում՝ հայտնի գործիչներին, սակայն հրապարակը շարունակում էր լիքը մնալ, մարդիկ չէին հեռանում: Ոստիկանները փորձում էին խոչընդոտել նաև քաղաքական գործիչների ելույթները և հեռացնել քաղաքացիներին, բայց ապարդյուն: Չնայած ոստիկանների և հանրահավաքի մասնակիցների միջև քաշքշուկին, քաղաքական ուժերի ներկայացուցիչները ելույթներ են ունեցել, քաղաքացիներն էլ այնտեղ են մնացել մինչև վերջ: