Հայաստանի ընտրությունը միջազգային պարբերականների գլխագրերում է
Ո՞րն է հիմնական ինտրիգը: Ինչպիսի՞ն է ուժերի հարաբերակցությունը: Ո՞վ ունի հաղթելու հնարավորություն, պատասխանում է DW-ն: Հայաստանում ընտրություններին մասնակցությունը գերազանցում է սպասելիքները, մասնակցում են բոլոր նախկին նախագահները, փաստում է BBC- ին: Ըստ Washington Post-ի՝ Հայաստանում մեկնակել է ԼՂ պատերազմով պայմանավորված ընտրությունը: «Հայաստանը գնում է հաղթելու հետպատերազմյան ընտրություններում»,-գրել է Եվրազիան:
Միջադեպ կենտրոնում.քաղաքացին տարբեր ժամերի փորձել է քվեարկել 2 անգամ, սակայն չի հաջողվել
Երևանում վաղ առավոտից ընտրական ակտիվություն է նկատվել: Հանձնաժողովների նախագահներն ու և վստահված անձանց «Էպիկենտրոնի» հետ զրույցներում նշել են, որ քվեարկությունն ընթանում է բնականոն, առանց լուրջ խոչընդոտների: Մեկ միջադեպ գրանցվել է Կենտրոն համայքնում գտնվող ընտրատեղամասերից մեկում: Քաղաքացիներից մեկը օրվա տարբեր ժամերի փորձել է քվեարկել երկու անգամ, սակայն չի հաջողվել. նույնականացնող սարքն անմիջապես ֆիքսել է խախտումը: «Ցանկանում ենք առաջին հերթին խաղաղություն և փոփոխություններ»,-ասել են քվեարկությանը մասնակցող քաղաքացիները:
Հանուն ինչի՞ են քվեարկել Վեհափառը և քաղաքական ուժերի առաջնորդները
Մայր աթոռի միաբանների ուղեկցությամբ ընտարտեղամաս է այցելել նաև Ամենայն հայոց կաթողիկոս Գարեգին երկրորդը: Կուսակցությունների և դաշինքների նախընտրական ցուցակը գլխավորող թեկնածուները ևս այցելել են ընտրատեղամասեր և անկեղծացել,թե հանուն ինչի են քվեարկել:
Ինչպե՞ս քվեարկեցին Հայաստանի 4 նախագահները
Տարբեր ժամերի քվեարկության են գնացել նաև Հայաստանի 3 նախկին նախագահները և գործող նախագահը: Լևոն Տեր-Պետրոսյանը և Արմեն Սարգսյանը հարցերի չեն պատասխանել: Ռոբերտ Քոչարյանն ու Սերժ Սարգսյանն անդրադարձել են ընտրության ընթացքին, ասել, թե հանուն ինչպիսի Հայաստանի են քվեարկել:
Համացանցը ողողված է ընտրախախտումների մասին ահազանգերով
Մինչ այս ժամը ընտրախախտումների վերաբերյալ բազմաթիվ ահազանգեր են ստացվել: Մի շարք քաղաքական ուժեր և զանգվածային լրատվամիջոցներ ահազանգերի հետ միասին ներկայացրել են նաև խախտումների վերաբերյալ տեսանյութեր: Դրանց մի մասին արձագանքել են իրավապահ մարմինները: Վաղ առավոտյան նաև միջադեպ է գրանցվել: Կրակոցից վնասվել է վարչապետի թեկնածու Արման Բաբաջանյանի մեքենայի դիմապակին:
«Քվեարկել եմ անվտանգ, հզոր, զարգացող ու բարգավաճ Հայաստանի համար». Գ.Ծառուկյան
Առինջի Կոլյա Ծառուկյանի անվան միջնակարգ դպրոցում տեղակայված 29/29 ընտրատեղամասում իր քաղաքացիական պարտքն է կատարել ԲՀԿ վարչապետի թեկնածու Գագիկ Ծառուկյանը: «Քվեարկել եմ անվտանգ, հզոր, զարգացող ու բարգավաճ Հայաստանի համար»,-լրագրողների հետ ճապազրույցում ասել է ԲՀԿ նախագահը: Գագիկ Ծառուկյանը նաև բացառել է Նիկոլ Փաշինյանի հետ կոալիցիա կազմելու հնարավորությունը:
«Քվեարկել եմ անվտանգ, հզոր, զարգացող ու բարգավաճ Հայաստանի համար». Գ.Ծառուկյան
Առինջի Կոլյա Ծառուկյանի անվան միջնակարգ դպրոցում տեղակայված 29/29 ընտրատեղամասում իր քաղաքացիական պարտքն է կատարել ԲՀԿ վարչապետի թեկնածու Գագիկ Ծառուկյանը: «Քվեարկել եմ անվտանգ, հզոր, զարգացող ու բարգավաճ Հայաստանի համար»,-լրագրողների հետ ճապազրույցում ասել է ԲՀԿ նախագահը: Գագիկ Ծառուկյանը նաև բացառել է Նիկոլ Փաշինյանի հետ կոալիցիա կազմելու հնարավորությունը:
Առաջին գումարումից մինչև 8-րդ գումարում. ԱԺ ընտրությունների պատմությունը
Հայաստանը երրորդ հանրապետության պատմության մեջ 8-րդ անգամ խորհրդարան է ընտրում: Գերագույն խորհուրդը կազմավորվել էր դեռևս անկախության նախաշեմին, իսկ ԱԺ առաջին ընտրությունն անցկացվել է 1995թ. հուլիսի 5-ին: Այսօր տեղի ունեցող ընտրությունը, նախորդի պես, արտահերթ է: Առաջին գումարումից մինչև 8-րդ գումարում՝ ընտրությունների պատմությունը համառոտ ամփոփել է իմ գործընկեր Արթուր Հակոբյանը: