«Դուք զբաղված եք քաղաքական ընդդիմախոսությունը ճնշելու գործով». Մարուքյանը՝ Փաշինյանին
Ազգային ժողովն արտահերթ նիստում քննարկել է Կառավարության 2019 թ-ի բյուջեի կատարողականը: Ընդդիմադիր ամենամեծ խմբակցությունը՝ «Բարգավաճ Հայաստանը», նիստին չի մասնակցել, իսկ «Լուսավոր Հայաստան»-ը քննադատության է արժանացրել է Կառավարության կատարողականը: Էդմոն Մարուքյանը, խոսքն ուղղելով երկրի վարչապետին, մտահոգություն է հայտնել վերջին շրջանում ընդդիմադիրների նկատմամբ բռնաճնշումների և քաղաքական հետապնդումների վերաբերյալ: Նիստի օրակարգում է եղել նաև գույքահարկի բարձրացման մասին կառավարության ներկայացրած աղմկահարույց նախագիծը, որով ավելացվելու է քաղաքացիների հարկային բեռը, իսկ մոտ 500 հազարից ավելի քաղաքացի դառնալու է հարկատու:
«1 օրում Սահմանադրություն են փոխում, բայց 1 գյուղի տրանսպորտի հարցը չեն լուծում».Հայանիստի բնակիչ
Հայանիստի բնակիչներն այսօր հավաքվել էին Երևանի քաղաքապետարանի դիմաց՝ պահանջելով լուծել գրեթե 3 ամիս շարունակվող տրանսպորտի խնդիրը: Բնակիչներն ավելի վաղ նամակով դիմել էին նաև վարչապետին, կառավարությունից պատասխան էր ստացվել, որ խնդրի հասցեատերն իրենք չեն: Ակցիայի մասնակիցների հետ այսօր հանդիպել է քաղաքապետարանի Տրանսպորտի վարչության պետը: Ի՞նչ է որոշվել քննարկման ընթացքում , տեղյակ է Նազելի Ստեփանյանը:
Ովքե՞ր կօգտվեն 68000 դրամ միանվագ օգնությունից. հաստատվեց հակաճգնաժամային 22-րդ միջոցառումը
«Համավարակը շարունակում է մնալ ընթացիկ ամենամեծ պրոբլեմը և մյուս խնդիրները ծագում են հենց այստեղից»,- կառավարության հեթական նիստի մեկնարկին հայտարարել է վարչապետը: Առողջապահության նախարարը ներկայացրել է վերջին օրերի վիճակագրությունը և տեղեկացրել է, որ վերակենդանացման բաժանմունքներում մի քանի ազատ տեղ կա, որոնք, սակայն, շատ արագ կարող են զբաղեցվել: Նիստի ժամանակ կառավարությունը հաստատել է հակաճգնաժամային 22-րդ միջոցառումը, որի շրջանակում շահառուներին կտրվի 68 հազար դրամ միանվագ օգնություն: Աշխատանքի և սոցիալական հարցերի նախարարը ներկայացրել է շահառուների ցանկը:
«Թո՛ղ ՍԴ-ն հիմա քննի գործը,վաղը դիմումը մուտք կանենք».Մարուքյանի արձագանքը Քոչարյանի պաշտպաններին
Ռոբերտ Քոչարյանի պաշտպանները հետ են վերցրել երկրորդ նախագահի անունից ՍԴ ներկայացված դիմումները: Պատճառն,ըստ փաստաբան Արամ Վարդևանյանի, այն է, որ «Լուսավոր Հայաստան» կուսակցությունը, որպես ՍԴ չդիմելու նախապայման, մատնանշել էր 2-րդ նախագահի գործը: «Քոչարյանը հստակ դիրքորոշում է հայտնել, որ եթե իր գործի պատճառով պառլամենտարիզմի կայացման համար խոչընդոտներ պետք է առաջանան, ապա նա պետք է պահանջի, որ իր փաստաբանները հետ վերցնեն դիմումները»,- նշել է պաշտպան Արամ Օրբելյանը: ԼՀԿ-ն Քոչարյանի պաշտպանների այսօրվա քայլը համարել է քաղաքական՝ նշելով, որ դիմումը հետ վերցնելով գործը չի դադարում քննվել ՍԴ-ում: