Գագիկ Ծառուկյանի դեմ գործողություններին զուգահեռ այս օրերին նկատվում են նրա բարի համբավը արատավորելու փորձեր, որոնք նպատակ ունենք ստվեր նետել ԲՀԿ նախագահի հեղինակության վրա: Եվ սա այն դեպքում, երբ գործունեության առաջին իսկ տարիներից Գագիկ Ծառուկյանը մեծ դերակատարում է ունեցել տարբեր ոլորտների զարգացման գործում: Միայն վերջին 15 տարիների ընթացքում «Գագիկ Ծառուկյան» բարեգործական հիմնադրամն ահռելի միջոցներ է ուղղել բազմաթիվ խոշոր ծրագրերի իրագործմանը ինչպես Հայաստանում, այնպես էլ Արցախում և Սփյուռքում: Մանրամասները՝ տեսանյութում:
ԽՄԿԿ-Կոմունիստական կուսակցությունների միության կենտրոնական խորհուրդը, որի կազմում ներառված են հետխորհրդային տարածքի շուրջ 2 տասնյակ կումունիստական կուսակցություններ, իր մտահագությունն է հայտնել ԲՀԿ նախագահ Գագիկ Ծառուկյանի նկատմամբ տեղի ունեցող քաղաքական հետապնդման կապակցությամբ: ՌԴ Կոմունիստական կուսակցության պաշտոնական կայքում տեղադրված հայտարարության մեջ նշված է, որ Հայաստանի իշխանությունը հաշվեհարդար է տեսնում մի անձի նկատմամբ, որը ձեռք է բերել Հայաստանի ժողովրդի հեղինակությունն ու հարգանքը, հանդես է եկել արդարացի և կառուցողական քննադատությամբ:
«Ֆրանկո Ֆերարա» միջազգային երաժշտական ակադեմիայի հիմնադիր տնօրեն, աշխարհահռչակ երաժիշտ Անտոնիո Կոնսալեսն իր զորակցությունն է հայտել «Բարգավաճ Հայաստան» կուսակցության նախագահ Գագիկ Ծառուկյանին: «Հուսով եմ, որ այս օրերի իրադարձությունները կհանգուցալուծվեն հօգուտ Գագիկ Ծառուկյանի և Հայաստանի բարօրության»,- իր տեսաուղերձում նշել է իտալացի հանրահայտ երաժիշտը: Նա հաճույքով է հիշել Հայաստան կատարած իր վերջին այցը, որի ժամանակ Երևանի «Արարատ» կոնյակի-գինու-օղու կոմբինատում արժանացել էր Գագիկ Ծառուկյանի ջերմ ընդունելությանը: Անտոնիո Կոնսալեսն այդ ժամանակ հենց կոմբինատի տարածքում հանդես էր եկել մենահամերգով՝ ներկայացնելով արտասահմանցի և հայ անվանի կոմպոզիտորների ստեղծագործությունները:
Իշխող «Քաղաքացիական պայմանագիր» կուսակցության կենտրոնական գրասենյակում տեղի է ունեցել ԱԺ «Իմ քայլը» խմբակցության նիստը, որին մասնակցել է նաև վարչապետը: Օրակարգում են եղել ներքաղաքական վերջին զարգացումներն ու ՍԴ-ի վերաբերյալ նախագիծը: Նիստից հետո Նիկոլ Փաշինյանը հրաժարվել է պատասխանել լրագրողների հարցերին, փոխարենը դա արել է ԱԺ փոխնախագահ Ալեն Սիմոնյանը: Նա անդրադարձել է Ռոբերտ Քոչարյանի ազատ արձակամանն ու հաջորդ շաբաթ սպասվող ԱԺ արտահերթ նիստին, որի օրակարգում լինելու է նաև ՍԴ-ի մասին աղմկահարույց օրինագիծը:
Ինչու՞ են մեր համաքաղաքացիները ձախողված համարում կառավարության հակահամաճարակային քաղաքականությունը և ի՞նչ սխալներ է, ըստ նրանց, թույլ տվել իշխանությունը կորոնավիրուսի դեմ պայքարում: «Էպիկենտրոն»-ը շարունակում է հարցումները Երևանում և հանրապետության տարբեր մարզերում: Բնակիչները պատասխանել են նաև հարցին, թե տեսնու՞մ են արդյոք հեղափոխությունից հետո դրական փոփոխություններ և որքանո՞վ է նոր իշխանությունը արդարացրել ժողովրդի ակնկալիքները: