Արցախի նախագահը ստորագրել է «Պաշտպանության մասին» օրենքում լրացումներ կատարելու մասին խորհրդարանի կողմից այսօր միաձայն ընդունված օրենքի նախագիծը: ՖԲ-ում արված գրառման մեջ Արայիկ Հարությունյանը նշել է, որ նախագիծն Ազգային ժողովին է ներկայացվել իր նախաձեռնությամբ և կկանոնակարգի Հանրապետության զինված պաշտպանությանը կամավորության սկզբունքով աշխարհազորի մասնակցությունը: «Օրենքի ընդունման անհրաժեշտությունը բխում է ստեղծված պատերազմական իրավիճակից և նպատակ ունի Պաշտպանության բանակի հետ մեկտեղ էլ ավելի ամրապնդելու մեր սահմանների պաշտպանությունը»,- նշել է նախագահը:
Ադրբեջանը շարունակում է կոպտորեն խախտել հումանիտար հրադադարի ռեժիմը և վաղ առավոտից կրկին լայնամասշտաբ ռազմական գործողություններ է սկսել առաջնագծի ամբողջ երկայնքով:Բանակային ստորաբաժանումների հետ ակտիվ ռազմագործողություններին ադրբեջանական կողմից մասնակցում են մի քանի հազար վարձկան-ահաբեկիչներ: Պաշտպանության բանակը ծանր մարտեր է մղում՝ փորձելով կասեցնել թշնամու նախահարձակ գործողությունները: Գիշերն Ադրբեջանը շարունակել է ռմբակոծել Արցախի բնակավայրերը, թիրախավորվել են քաղաքացիական օբյեկտներ։ Անհանգիստ է եղել հատկապես Ասկերան, Մարտունի և Մարտակերտ քաղաքներում։
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv