Արտակարգ իրավիճակների նախարարությունն ամփոփել է տարեսկզբի պատահարների տվյալները: Արտակարգ դեպքերը նախորդ տարվա համեմատ նվազել են, փոխարենն արձանագրվել է զոհերի և վիրավորների թվի աճ: Սննդից էլ թունավորվել է ընդամենը մեկ քաղաքացի: Փրկարար ծառայությունն արձագանքել է ստացված բոլոր ահազանգերին:
Վերջին շրջանում Հայաստանում ակտիվացել են սուր շնչառական վարակները: Դրանցից առաջին հերթին պետք է խուսափեն խոցելի խմբի ներկայացուցիչները՝ երեխաները: Մանկաբույժ Մարի Դարակչյանը խորհուրդ է տալիս վատառողջ երեխաներին չուղարկել դպրոց կամ մանկապարտեզ, նրանց շատ հեղուկ տալ և սովորեցնել անձնական հիգիենայի պահպանման կանոնները:
Կարագանդայում տեղի ունեցած դեպքերից են խոսել նաեւ հայ մտավորականները: Նրանց գնահատմամբ` թե՛ բնակվելու և թե՛ աշխատանքի մեկնող հայաստանցիները պետք է հստակ իմանան` ուր են մեկնում, ում հետ են ապրելու եւ աշխատելու: Մտավորականների խոսքով` այստեղ մեծ աշխատանք ունի Սփյուռքի նախարարությունը, որը պետք է հստակ թվեր ունենա, թե որ երկրում Հայաստանի քանի քաղաքացի է ապրում: Մտավորականների համոզմամբ՝ իրար ճանաչելու գլխավոր նախապայմանը մշակութային հաղորդակցությունն է, քանի որ ազգերը միմյանց ճանաչում են մշակույթով:
Մեկնարկել է ձմեռային զորակոչը: Ծառայության են մեկնել այս տարվա առաջին նորակոչիկները: Հանրապետական կենտրոնական հավաքակայանում զորակոչի ընթացքին հետևել և նորակոչիկների հետ զրուցել է ԶՈՒ գլխավոր շտաբի պետը: Լրագրողների հետ զրույցում Արտակ Դավթյանը նշել է, որ նախորդ տարիների համեմատ հայ-ադրբեջանական սահմանին որոշակի մասով կրակոցների քանակի նվազման միտում է նկատվել: Ինչպիսի՞ տրամադրությամբ են մեկնում ծառայության տղաները և ինչպիսի՞ փոփոխություններ են կատարվում բանակում՝ ներկայացվող տեսանյութում:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv