Էջմիածնի Սուրբ Գայանե եկեղեցում Ն.Ս.Օ.Տ.Տ  Ամենայն հայոց կաթողիկոս Գարեգին Բ-ի գլխավորությամբ մատուցվել է  տարեվերջյան պատարագ, որին մասնակցել է նաև Հայրենիքի փրկության շարժումը: Քանի որ նախապես ահազանգ էր ստացվել, թե որոշ մարդիկ պատրաստվում են հարձակվել կաթողիկոսի վրա, ընդդիմադիր կուսակցությունների ներկայացուցիչներն ու հազարավոր քաղաքացիներ այցելել են Սուրբ Գայանե եկեղեցի՝ նաև պաշտպանելու և իրենց զորակցությունը հայտնելու հոգևոր առաջնորդին ու եկեղեցուն: Նրանց խոսքով՝ եկեղեցին է հայապահպանության կենտրոնը, և եկեղեցու նկատմամբ ոտնձգություններն ուղղորդվում են ազգադավ ուժերի կողմից: