Օրեր շարունակ քաղաքացիները գիշերում են հրապարակի մի կողմում տեղադրված վրաններում: Ցուրտը հաղթահարելուն օգնում են ինքնաշեն վառարանները և աղբամանները: Չնայած եղանակային անբարենպաստ պայմաններին՝ ցուցարարները մտադիր չեն պայքարը դադարեցնել:

Ներկայացվող տեսանյութը հանուն հայրենիքի ընկած հերոսի՝ Տարոն Գիվարգիզյանի մասին է: Ավետարանն ու «Նարեկ»-ը զենքով փոխարինած հերոսը պատերազմի երրորդ օրը տանեցիներից թաքուն ռազմի դաշտ է մեկնել, մեկ ամիս հայրենիքի սահմանները պահելուց հետո՝ անմահացել:

Պատերազմական գործողությունների հետևանքով Արցախի 220 դպրոցներից  այժմ գործում է 98-ը: Շատ ուսուցիչներ   գործազուրկ են: Խնդիրը մեղմելու համար առաջարկվել է ուսումնական հաստատություններում  թափուր տեղեր առաջանալու դեպքում մինչև ուսումնական տարվա ավարտն  առաջնահերթությունը տալ  տեղահանված  մասնագետներին՝ առանց մրցութային  կարգի  կիրառման: Արցախում շարունակվում են նաև Հայաստանի կառավարության աջակցության ծրագրերը: 

Ֆիզուլիի,Հադրութի և Զանգելանի հատվածներում շարունակվում են անհետ կորածների որոնողական աշխատանքները: Պատերազմից հետո մինչև այսօր հայտնաբերվել են զինծառայողների ու քաղաքացիական անձանց 1073 աճյուններ: Արցախում նաև շարունակվում են վնասված տների ցուցակագրման աշխատանքները: Ռուս խաղաղապահների հսկողությամբ հարյուրավոր ընտանիքներ Ամանորին ընդառաջ վերադառնում են Արցախի իրենց բնակավայրեր:

Պատրաստվո՞ւմ են արդյոք քաղաքական ուժերը Նիկոլ Փաշինյանի հետ քննարկել ԱԺ արտահերթ ընտրություն անցկացնելու հարցը:Խորհրդարանական և արտախորհրդարանական որոշ ուժեր արդեն այս հարցի շուրջ հստակ դիրքորոշում են հայտնում: Մյուսները դեռ քննարկումների փուլում են: Անակնկա՞լ էր արդյոք Փաշինյանի որոշումը և ինչպիսի՞ զարգացումներ սպասենք առաջիկայում: Իզաբելլա Հովհաննիսյանի տեսանյութը: