ԲՀԿ-ն և ԼՀԿ-ն չեն մասնակցի ՍԴ դատավորների ընտրությանը.մեկնարկեց ԱԺ աշնանային նստաշրջանը
Պետական օրհներգի հնչյունների ներքո այսօր մեկնարկել է ԱԺ աշնանային նստաշրջանը: Օրակարգի 57 հարցերից առաջինը ՍԴ դատավորների ընտրության հարցն էր: Կառավարությունը, նախագահը և դատավորների ընդհանուր ժողովը ներկայացրել են ՍԴ դատավորների իրենց թեկնածուներին: Նաիրա Զոհրաբյանը հայտարարել է, որ ԲՀԿ-ն չի մասնակցելու դատավորների ընտրությանը: «Մենք բազմիցս ասել ենք՝ այստեղ խախտված են հստակ ընթացակարգեր»,-նշել է պատգամավորը: Քվեարկությանը չմասնակցելու մասին է հայտարարել նաև «Լուսավոր Հայաստան»-ը:
Կառավարությունը զիջումների՞ է գնում.հագուստ ներկրողները շարունակել են բողոքի ակցիան
Հագուստի ներկրմամբ զբաղվող տնտեսվարողները նորից կառավարության մոտ են հավաքվել: Այսօր լրանում էր մաքսազերծման գները նվազեցնելու համար բողոքի ակցիաների դուրս եկած տնտեվարողներին պատասխանելու՝ կառավարության սահմանած ժամկետը: Հավաքի մասնակիցներից երեք հոգի ներս է հրավիրվել, հանդիպել գործադիրի ներկայացուցչի հետ: Առևտրականներն ավելի ուշ լրագրողներին ասել են,որ կառավարությունը որոշակի զիջումների է գնացել: Միաժամանակ նրանք նշել են, որ ստացած պատասխանի իսկության մեջ վստահ լինելու համար կգնան ապրանք մաքսազերծելու:
Երևանն այլևս չի՞ ունենա գլխավոր ճարտարապետ.քաղաքապետի անսպասելի հայտարարությունը
Արթուր Մեսչյանին Երևանի գլխավոր ճարտարապետի պաշտոնում հնարավոր է՝ որևէ մեկը չփոխարինի: Քաղաքապետ Հայկ Մարությանն այսօր հայտարարել է, որ գլխավոր ճարտարապետի պաշտոնը կարող է այլևս գոյություն չունենալ, քանի այն պետք է «որոշակի փոփոխությունների ենթարկվի»: Քաղաքապետը հայտնել է նաև, որ մայրաքաղաքի տրանսպորտային համակարգի փոփոխություններն արդեն սկսվել են, և այդ գործընթացում լուրջ մասնակցություն պետք է ունենա կառավարությունը:
Ինչպե՞ս են մեկնարկել դասերն առաջին դասարանցիների համար
«Ականատես ենք լինում իրենց կողմից ռազմական կուտակման փորձերի».ՀՀ ԱԳ նախարարը Թուրքիայի մասին
Հայաստանն ուշադրությամբ հետևում է Արևելյան Միջերկրականի զարգացումներին, և իր համերաշխությունն է հայտնում Հունաստանին, Կիպրոսին և Եգիպտոսին , Եգիպտոսի ԱԳ նախարարի հետ ասուլիսում ասել է Հայաստանի ԱԳ նախարար Զոհրաբ Մնացականյանը: Անդրադառնալով մեր տարածաշրջանի զարգացումներին ՝ Մնացականյանն ընդգծել է, որ որևէ հակամարտություն չունի ռազմական լուծում:Նախարարը խոսել է նաև Թուրքիայի ապակայունացնող քաղաքականության մասին՝ նշելով, որ ստացվում են տեղեկություններ «օտարերկրյա ահաբեկիչ զինյալների օգտագործման մասին, ովքեր տեղափոխվելու են Ադրբեջան կամ գուցե արդեն իսկ տեղափոխվել են»:
Առողջություն և Գեղեցկություն 14.09.2020 // Առիթմիաներ
«Այսօր ով խոսք ունի ասելու,ում վիճակը ծանր է,պետք է իր ձայնը բարձրացնի». Գ.Ծառուկյանի այցը Իջևան
Գագիկ Ծառուկյանի մարզային հանդիպումները շարունակվում են:«Բարգավաճ Հայաստան» կուսակցության նախագահը Տավուշի մարզկենտրոնում հանդիպել է ԲՀԿ Իջևանի տարածքային կազմակերպության ներկայացուցիչների, պատասխանատուների և կուսակցության համակիրների հետ: Հավաքն անցել է ոստիկանական ուժերի աննախադեպ հսկողության ներքո: Գագիկ Ծառուկյանը հայտարարել է, որ հունիսի 5-ի ԲՀԿ քաղխորհրդի նիստում ունեցած իր ելույթից անցել են ամիսներ, իսկ կառավարության դեմ բողոքի ալիքը գնալով մեծանում է: «Մարդիկ, ովքեր գտնվում են ծանր վիճակում, պետք է իրենց բողոքի ձայնը բարձրացնեն», -իջևանցիների հետ հանդիպմանն ընդգծել է ԲՀԿ նախագահը:
«Այսօր ով խոսք ունի ասելու,ում վիճակը ծանր է,պետք է իր ձայնը բարձրացնի». Գ.Ծառուկյանի այցը Իջևան
Գագիկ Ծառուկյանի մարզային հանդիպումները շարունակվում են:«Բարգավաճ Հայաստան» կուսակցության նախագահը Տավուշի մարզկենտրոնում հանդիպել է ԲՀԿ Իջևանի տարածքային կազմակերպության ներկայացուցիչների, պատասխանատուների և կուսակցության համակիրների հետ: Հավաքն անցել է ոստիկանական ուժերի աննախադեպ հսկողության ներքո: Գագիկ Ծառուկյանը հայտարարել է, որ հունիսի 5-ի ԲՀԿ քաղխորհրդի նիստում ունեցած իր ելույթից անցել են ամիսներ, իսկ կառավարության դեմ բողոքի ալիքը գնալով մեծանում է: «Մարդիկ, ովքեր գտնվում են ծանր վիճակում, պետք է իրենց բողոքի ձայնը բարձրացնեն», -իջևանցիների հետ հանդիպմանն ընդգծել է ԲՀԿ նախագահը:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv