Տարածաշրջանը՝ նոր մարտահրավերի առաջ. Ադրբեջանում վաղը խորհրդարանի ընտրություններ են
Վաղաժամ ցրված խորհրդարանի 125 տեղի համար պայքարում է մոտ 1300 թեկնածու: Չնայած, պայքար ասվածն այս դեպքում խիստ հարաբերական է հնչում: Պայքարի հավանականությունը բացառելով եւ ընտրությունների արդյունքները կանխորոշված համարելով՝ միջազգային որոշ կառույցներ հրաժարվել են դիտորդական խմբեր ուղարկել Ադրբեջանի ընտրություններին: Եվ նման պայմաններում այդ երկրից հայտարարում են, որ Արցախի քաղաքացիները կարող են մասնակցել Ադրբեջանում կայանալիք ընտրություններին։ Արցախի ԿԸՀ հանձնաժողովի նախագահն ու օբուդսմենը զավեշտալի են համարել հայտարարությունն ու բավական կոշտ արձագանքել:
«Հետևանքը՝ արտեֆակտ». նախագիծը, որը ներկայացնում է պատերազմի հետքերը
Նկարիչների միությունում բացվել է «Հետևանքը՝ արտեֆակտ» խորագրով ցուցահանդեսը, «Մոսկվա» կինոթատրոնում էլ ցուցադրվել է համանուն ֆիլմը: Թե՛ ցուցահանդեսի և թե՛ ֆիլմի միջոցով հեղինակները փորձել են պատերազմը ներկայացնել այլընտրանքային տեսանկյունից՝ ցույց տալ ոչ թե դրա քաղաքական կամ սոցիալ-տնտեսական կողմը, այլ դրա հետևանքը: Ցուցահանդեսը բաց կլինի մինչև փետրվարի 28-ը:
Հայ սակրավորները 1 տարվա ընթացքում Հալեպում ականազերծել են 126.000 քմ տարածք
Ուղիղ մեկ տարի է Հայկական հումանիտար խումբն ականազերծման աշխատանքներ է իրականացնում Սիրիայում: 2019 թվականի փետրվարի 8-ից մինչև 2020 թվականի փետրվարի 8-ը հայ ականազերծողները Հալեպում մաքրել են 126 հազար քառակուսի մետր տարածք: Խումբն ականազերծման աշխատանքներ է կատարել նաև Հայաստանում: Սյունիքի մարզի Դավիթ Բեկ բնակավայրում ականազերծվել է մոտ 25 հազար քառակուսի մետր տարածք: Հայկական հումանիտար խմբի առաջադրանքով՝ «Հալո տրաստս » կազմակերպությունն ականազերծել 40 հազար քառակուսի մետր տարածք Սյունիքի մարզի Կոռնիձոր համայնքում:
Ո՞ր ազգերն են ամենաերջանիկներն ու դժբախտները.«Գելլափ»-ի հարցումը
«Գելլափ ինթերնեյշնլ» ասոցիացիայի Հայաստանում լիիրավ անդամ «Էմ Փի Ջի» ընկերությունն անցկացրել է հետազոտություն ՝ պարզելու համար երջանկության և լավատեսության ինդեքսը Հայաստանում, համեմատել 46 երկրների հետ: Յուրաքանչյուր երկրում հարցումներն անցկացվել են նվազագույնը 1000 հոգուց:
Գագիկ Խաչատրյանի նախկին տեղակալը պետությանը պատճառել է 1,7 մլրդ դրամի վնաս
ԱԱԾ քննիչները Քաղաքաշինության կոմիտեի նախագահ Վահագն Վերմիշյանին կալանավորելու միջնորդություն են ներկայացրել դատարան: Մեկ այլ քրեական գործ էլ անվտանգության ծառայությայն աշխատակիցները հարուցել են Ֆինանսների նախկին փոխնարարի դեմ՝ պետությանը պատճառած խոշոր վնասի համար: Ճանապարհային ոստիկանության կաշառք ստացած հետաքննիչն էլ ձերբակալվել է: Օրվա քրեաիրավական քրոնիկոնը՝ տեսաշարով:
ԲՀԿ ուսխորհուրդը Սուրբ Սարգսի տոնի առթիվ աղի բլիթներ է բաժանել երիտասարդներին
Այսօր սիրո բարեխոս Սուրբ Սարգսի տոնն է: Երիտասարդները աղի բլիթ են ուտում, փոխինձ դնում դռան շեմին,որպեսզի սիրո հովանավորը իրենց էլ այցելի: Ասում են՝ եթե Սուրբ Սարգսի ձիու ոտնահետքը փոխինձի վրա երևաց, ուրեմն տարին հաջողակ կլինի միայնակ սրտերի համար. նրանք կամուսնանան: ԲՀԿ ուսանողական խորհրդի անդամները շրջել են մայրաքաղաքով, աղի բլիթներ բաժանել երիտասարդներին ու կոչ արել որպես սիրո տոն նշել հենց Սուրբ Սարգիսը, ոչ թե օտար սրբերի օրը:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv