Եթե տեր ես քո երկրին, ուրեմն նաև պատասխանատու ես նրա համար: Հենց այս գաղափարով առաջնորդվելով՝ այսօր ևս հայրենիքի պաշտպանները մեկնել են Արցախ: Հայրենիքի պաշտպանությունը յուրաքանչյուրիս սերն ու պարտքի զգացողությունն է հայրենի հողի ու ժողովրդի հանդեպ: Նաև այդ պարտքի զգացողությամբ, թեև ոչ սահմանին, պայքարը շարունակվում է նաև թիկունքում: Արդեն 2 օր է՝ արյուն հանձնելու ցանկություն ունեցող կամավորների հոսքը դեպի արյունաբանական կենտրոն չի դադարում: