Առաջիկայում ոստիկանության զորքերը հնարավոր է ապառազմականցվեն և կոչվեն գվարդիա, - ոստիկության տարեկան գործունեության արդյունքները և առաջիկա ծրագրերը ներկայացնելիս հայտնել է Ոստիկանության շտաբի պետ Հովհաննես Քոչարյանը: Առաջարկությունների փաթեթը շուտով կներկայացվի Կառավարությանը: Իրականություն դառնալու դեպքում, ոստիկանության գվարդիան կզբաղվի ոչ թե արտաքին հարձակումներից երկիրը պաշտպանելու գործով, այլ ներքին իրավակարգի ապահովմամբ: Ոստիկանությունը վստահեցրել է, որ ցույց ցրելու համար զորք չի ներգրավվելու:
3 օր մերգելյան ինստիտուտում կցուցադրվեն հայկական տեխնոլոգիական և նորաստեղծ ընկերությունների արտադրանքներ: Այցելուները հնարավորություն կստանան նաև ծանոթանալու շուկայի զարգացման միտումներին ու նորարարություններին: Ցուցահանդեսին այս տարի մասնակցող 150 ընկերությունների շարքում տեղական հեղինակավոր ընկերություններից բացի, պատասխանատուների հավաստմամբ, մասնակցում են նաև ոլորտի առաջատար ընկերություններ աշխարհի տարբեր երկրներից: Ցուցադրված նորարարություններին է ծանոթացել նաև հանրապետության ղեկավարը: Սերժ Սարգսյանը շրջել է ցուցահանդեսի տաղավարներում, ծանոթացել ընկերությունների արտադրանքին ու ծառայություններին ու զրուցել ցուցահանդեսի մասնակիցների հետ:
Երևանի Ազատության պողոտայի 26-րդ հասցեում գտնվող օրգանական և դեղագործական քիմիայի գիտատեխնոլոգիական կենտրոնում առավոտյան բռնկված հրդեհն ամբողջությամբ մարվել է, այրվել է միայն նկուղը: Թե ինչից է բռնկել հրդեհը, և ինչ է կատարվել դեպքի վայրում:
Նախագահ Սերժ Սարգսյանին Հայաստանի և Արաբական Միացյալ Էմիրությունների տնտեսական հարաբերությունների օրակարգի, հեռանկարային ոլորտներում գործակցության զարգացման և խորացման ուղղությամբ իրականացվող աշխատանքի, նաև բարձր մակարդակով ձեռք բերված պայմանավորվածությունների իրականացման ընթացքի վերաբերյալ զեկուցել է Արաբական Միացյալ Էմիրություններում Հայաստանի Հանրապետության արտակարգ և լիազոր դեսպան Գեղամ Ղարիբջանյանը: Հանրապետության Նախագահի մոտ Հայաստանի արտաքին քաղաքականության տնտեսական բաղադրիչին նվիրված հերթական այս հանդիպմանը մասնակցել են ԱՄԷ-ի հետ գործակցության ներուժ ունեցող և փոխադարձ հետաքրքրություն ներկայացնող ոլորտները համակարգող շահագրգիռ նախարարությունների և գերատեսչությունների ղեկավարները:
Գագիկ Ծառուկյան բարեգործական հիմնադրամի շնորհիվ Արցախում կանցկացվի Գութան ազգագրական երքի-պարի ամենամյա միջոցառումը: Փառատոնի նպատակն է ճիշտ ներկայացնել ազգային մշակույթը, նպաստել հայ ազգագրական երգարվեստի, պարարվեստի եւ երաժշտության պահպանմանը, տարածմանն ու սերնդեսերունդ փոխանցմանը: Գագիկ Ծառուկյան բարեգործական հիմնադրամի աջակցությամբ, 2 օր Արցախի ամբողջ տարածքում, հոկտեմբերի 3-ից կհնչի ազգային երգն ու պարը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv