Այս օրերին Երևանում մեկտեղվել էին բազմաթիվ սփյուռքահայեր: Հայապահպանության վերաբերյալ քննարկումներ էին: Ըստ սփյուռքահայերի, 1991 թվականի անկախության հանրաքվեն ժամանակակից պատմության պայծառ էջերից է:
Հայրենական մեծ պատերազմի հաղթանակի վետերանները հիշվում են նաև Հայաստանի 3-րդ հանրապետության անկախության օրը: Հայաստանի հարավային դարպասում` Սյունիքի Գորիսի շրջանի գյուղերի վետերանների մեծարման և նրանց ավանդը գնահատելու նախաձեռնությամբ է հանդես եկել Գագիկ Ծառուկյան բարեգործական հիմնադրամը: Հիմնադրամի աշխատակիցները այցելել են բոլոր վետերաններին, փոխանցել են Գագիկ Ծառուկյանի շնորհավորական ուղերձը և դրամական պարգև հանձնել գորիսեցի վետերաններին:
Անկախության 26-րդ տարեդարձի առիթով նախագահ Սերժ Սարգսյանն այսօր շնորհավորական ուղերձներ է ստանում ամբողջ աշխարհից: Նախագահին շնորհավորել են օտարերկրյա պետությունների ղեկավարներ, միջազգային կազմակերպություններ, պետական, հասարակական և հոգևոր դասի ներկայացուցիչներ:
Նախագահ Սերժ Սարգսյանի հրամանագրերով, Հայաստանի անկախության 26-րդ տարեդարձի կապակցությամբ` գիտության, կրթության, առողջապահության, տնտեսության, արվեստի, մշակույթի և սպորտի ոլորտներում ունեցած վաստակի, արդյունավետ աշխատանքի, հայրենիք-սփյուռք կապի խորացման և ընդլայնման գործում ունեցած նշանակալից ավանդի համար մի խումբ գործիչներ, զինված ուժերի և իրավապահ մարմինների ներկայացուցիչներ պարգևատրվել են բարձրագույն պարգևներով՝ շքանշաններով և մեդալներով: Համազգային նշանակություն ունեցող բացառիկ ծառայությունների, Հայաստանի շենացմանն ու բարգավաճմանն ուղղված ազգանվեր գործունեության համար՝ արգենտինահայ գործարար Էդուարդո Էռնեկյանին շնորհվել է Հայաստանի ազգային հերոսի բարձրագույն կոչում. Նրան հանձնվելու է Հայրենիքի շքանշան:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv