Հովհաննես Այվազովսկու ծննդյան 200 ամյակին նվիրված Արարում ցուցահանդեսը Հայաստանում կանցկացվի Սեպտեմբերի 15-ից: Միջազգային մակարդակի ցուցահանդես, որի այցելուները հնարավորություն կստանան ծանոթանալ աշխարհահռչակ ծովանկարչի այն աշխատանքներին, որոնք մինչեւ այդ մշտական ցուցադրություններում չեն եղել:

Սեպտեմբերի 13-ին լրանում է վարչապետ Կարեն Կարապետյանի պաշտոնավարման մեկ տարին: Տնտեսության և արդյունաբերության ոլորտում աճի ինչ ցուցանիշ է գրանցվել, և խոստացած ներդրումները կատարվել են թե ոչ. մեկնաբանել է տնտեսագետ Բագրատ Ասատրյանը:

Խորհրդարանը շարունակում է քառօրյա նիստը: Պատգամավորների քննարկմանն է ներկայացվել Կառավարության առաջարկած մի քանի օրենսդրական նախագիծ: Գործադիրն առաջարկում է ավելի խիստ քննարկել ապաստան տրամադրելու հայցերը: Առաջարկվում է հայցի քննարկման ժամկետը 10 օրից մինչեւ 30 օր երկարացնել: Սահմանադրությամբ նախագահի լիազորությունների կրճատման պատճառով քաղաքական փախստականի կարգավիճակի տրամադրումը փոխանցվելու է լիազորված մարմնի, որը կորոշի կառավարությունը: 

Երեկ խորհրդարանում անցկացված աշխատանքային քննարկման ժամանակ ԲՀԿ առաջնորդ, Ծառուկյան խմբակցության ղեկավար Գագիկ Ծառուկյանը հանձնարարություններ է տվել խմբակցության պատգամավորներին: Նրանք չպետք է սահմանափակվեն միայն Ազգային ժողովի պատերի ներսում աշխատելով, նաեւ պետք է հանդիպեն տարբեր ոլորտի ներկայացուցիչների հետ, հանդես գան օրենսդրական սեփական նախաձեռնություններով: Գագիկ Ծառուկյանը խմբակցության համար սահմանել է մեկ նշաձող՝ պատգամավորների աշխատանքը պետք է առանձնանա որակով: