Կառավարության շենքի բակում այսօր ևս բողոքի տարբեր ակցիաներ էին: «Ոչ վարկային թալանին» նախաձեռնության անդամները պահանջել են հանդիպում վարչապետի հետ: Երևանի բազմաբնակարաններում նոր վերելակների տեղադրմամբ զբաղվող աշխատակիցները հայտնել են, որ քաղաքապետարանն իրենց աշխատավարձը չի վճարել: Առևտրով զբաղվող տնտեսվարողներն էլ հայտարարել են վաղվանից գործադուլ սկսելու և մեծ ցույց անցկացնելու մասին: Կառավարության շենքի մոտ հերթական անգամ իրենց բողոքի ձայնն են բարձրացրել նաև Ռուսաստան մեկնել ցանկացողները: