ԱԺ տնտեսական հարցերի մշտական հանձնաժողովի հերթական նիստն անցել է թեժ մթնոլորտում: «Բարգավաճ Հայաստան» խմբակցության պատգամավորները ներկայացրել են մի շարք նախագծեր, որոնք բուռն քննարկման են արժանացել: Թեժ բանավեճի է վերածվել Արթուր Դալլաքյանի՝ ապահովագրության վերաբերյալ նախագիծը: Պատգամավորը փոխնախարարին մեղադրել է սուտ խոսելու մեջ: Բացի այդ, ԲՀԿ-ականները կոշտ քննադատության են ենթարկել կառավարության այն նախագիծը, որով առաջարկվում է գործադիրին վերապահել հիվանդանոցների պրոֆիլի պահպանման հարցը: