Վերջին ամիսներին Արտակարգ իրավիճակների նախարարությունն աշխատել է մեծ ծանրաբեռնվածությամբ: Սպասարկել են Քարաթափման 29, փլուզման 43 և սողանքների 2 դեպք: Նախարար Ֆելիքս Ցոլակյանն այսօր ամփոփել է կատարված աշխատանքն ու ներկայացրել առաջիկա ծրագրերը: Նա հայտնել է, որ շուտով կառույցը կհամալրվի 60-ից ավելի հրշեջ մեքենաներով: Աշխատանք է տարվում շարքային անձնակազմի աշխատավարձերի բարձրացման համար: Ֆելիքս Ցոլակյանն անդրադարձել է նաև Դավիթ Սանասարյանին առաջադրված մեղադրանքին, նշել, որ կատարվածից ինքն անակնկալի չի եկել: