«Այս պահին Ադրբեջանը բանակցային գործընթացում փոքր-ինչ պաշտպանողական վիճակում է հայտնվել, քանի որ ամեն կերպ փորձում է կանխել Արցախի վերադարձը բանակցային սեղան»,- կարծում է ԱԺ «Իմ քայլը» խմբակցության պատգամավոր, ադրբեջանագետ Տաթևիկ Հայրապետյանը: Հայկական կողմը բարձրաձայնում է փոխվստահության մեխանիզմների խորացման մասին, սակայն դրան ուղղված բոլոր առաջարկներն Ադրբեջանը ծանր է տանում: Հարևան երկրի ռազմաշունչ հռետորաբանությունը չի վախեցնում արցախցիներին: Համարժեք պատասխան կտան: Արցախի արտգործնախարարությունը հիշեցնում է, որ Ադրբեջանի՝ արցախցիների ինքնորոշման իրավունքն ուժի և ահաբեկչության միջոցով ճնշելու փորձն է հանգեցրել նրան, որ քաղաքական խնդիրը վերաճել է զինված առճակատման: