Եղեգնուտ գյուղի ավագանու անդամներն ու բնակիչները շարունակում են բողոքի ակցիան ընդդեմ Արմավիրի մարզպետի և նախկին գյուղապետի: Այսօր նրանք հավաքվել էին կառավարության դիմաց: Ցուցարարները մարզպետին մեղադրում են համայնքի ասֆալտապատման գործընթացին խոչընդոտելու և նախկին գյուղապետի վերադարձի հարցում շահագրգիռ լինելու համար: Արմավիրի մարզպետ Համբարձում Մաթևոսյանն «Էպիկենտրոն»-ին ասել է, որ Եղեգնուտ գյուղի շուրջ ընթացող գործընթացներն իրավական են, և բնակիչներին ներկայացվել են որոշումների բոլոր հիմքերը:

Կարճատև դադարից հետո «Գագիկ Ծառուկյան» բարեգործական հիմնադրամը վերսկսում է լայնամասշտաբ սոցիալական ծրագրերը: Հակահամաճարակային կանոնների խիստ սահմանափակումների վերացումից հետո հիմնադրամում առաջին անգամ սոցիալական աջակցության ծրագիր են իրականացրել: Հանրապետության տարբեր համայնքներից սոցիալապես անապահով 200 ընտանիքի դրամական օգնություն է հատկացվել: Հիշեցնենք, որ «Ծառուկյան» հիմնադրամը կորոնավիրուսի տարածման սկզբնական շրջանում ամիսներ շարունակ 3 ուղղությամբ խոշոր ծրագրեր էր իրականացրել: 300 հազար ընտանիքի սննդով լի տոպրակներ էին հատկացվել, ֆերմերներն ապահովվել էին պարարտանյութով, մայրաքաղաքի փողոցներում կատարվել էին ախտահանման աշխատանքներ:

Կարճատև դադարից հետո «Գագիկ Ծառուկյան» բարեգործական հիմնադրամը վերսկսում է լայնամասշտաբ սոցիալական ծրագրերը: Հակահամաճարակային կանոնների խիստ սահմանափակումների վերացումից հետո հիմնադրամում առաջին անգամ սոցիալական աջակցության ծրագիր են իրականացրել: Հանրապետության տարբեր համայնքներից սոցիալապես անապահով 200 ընտանիքի դրամական օգնություն է հատկացվել: Հիշեցնենք, որ «Ծառուկյան» հիմնադրամը կորոնավիրուսի տարածման սկզբնական շրջանում ամիսներ շարունակ 3 ուղղությամբ խոշոր ծրագրեր էր իրականացրել: 300 հազար ընտանիքի սննդով լի տոպրակներ էին հատկացվել, ֆերմերներն ապահովվել էին պարարտանյութով, մայրաքաղաքի փողոցներում կատարվել էին ախտահանման աշխատանքներ:

Հանրապետության նախագահի 2020 թվականի օգոստոսի 18-ի հրամանագրով վարչապետի միջնորդությամբ կապիտան Ռուբեն Սանամյանը պարգևատրվել է Հայրենիքի շքանշանով՝ արժանանալով Հայաստանի ազգային հերոսի բարձրագույն կոչմանը: ՊՆ-ն այսօր մանրամասներ է ներկայացրել Հայաստանի 18-րդ ազգային հերոսի գործած սխրանքից: Կապիտան Սանամյանը հմտորեն ղեկավարել է հատուկ հետախուզական միջոցառումներ իրականացնող խմբի անձնակազմը՝ կազմակերպելով «ԱՆՎԱԽ» մարտական դիրքի ուղղությամբ հակառակորդի բազմակի գրոհների կասեցումը: Եվս 199 զինծառայողներ պարգևատրվել են պետական պարգևներով:

Համավարակով պայմանավորված սահմանափակումների մասին պարետի նոր որոշմամբ օգոստոսի 19-ից թույլատրվել էր թանգարանների վերաբացումը: Մեր նկարահանող խումբը շրջել է մայրաքաղաքի թանգարաններով, փորձել պարզել, թե ինչ պայմաններում է ընթանում մշակութային այդ հաստատությունների աշխատանքը: Սահմանվել են սպասարկման մի քանի կանոններ. թանգարաններ մուտք գործելիս և այնտեղ գտնվելու ընթացքում այցելուները պետք է կրեն դիմակ, պետք է ջերմաչափվեն, ախտահանեն ձեռքերը: Սոցիալական տարածություն պահպանելու համար էլ այցելուները թանգարանի տարածքում պետք է շրջեն հատուկ գծանշումների վրայով:

«Հուլիսյան հաղթական մարտերն ապացուցեցին, որ Ղարաբաղի հարցը չունի ռազմական լուծում, ժամանակն է, որ Ադրբեջանի իշխանությունը սա ընդունի »,- այսօր Անվտանգության խորհրդի հերթական նիստում հայտարարել է վարչապետը: Նիկոլ Փաշինյանն արձանագրել է, որ Հայաստանի Հանրապետությունն ի վիճակի է սպասարկել անվտանգային իր մարտահրավերները: «Մենք պիտի խնդիր դնենք մեր առաջ՝ անվտանգային միջավայրի կառավարելիության մակարդակն ամեն շաբաթվա, ամեն ամսվա, ամեն տարվա հետ ավելի բարձրացնելու ուղղությամբ»,- ասել է Նիկոլ Փաշինյանը:

Այսօր բողոքի ակցիա են անցկացրել Մարալիկի ծննդատան աշխատակիցները: Նրանք պահանջում են իրենց աշխատավարձերը, որոնք 7 ամիս չեն ստացել: Թեև Առողջապահության նախարարությունը ծննդատունը չի լուծարել, սակայն այն չի ֆինանսավորվում: «Ամեն երեխայի ծննդյան համար պետությունը 140 հազար դրամ է տրամադրում, որը բուժհաստատություն չի փոխանցվում»,- նշել են բուժանձնակազմի անդամները։

Ուսումնական նոր տարվան ընդառաջ` կրթության, գիտության, մշակույթի և սպորտի նախարարությունը հրապարակել է կորոնավիրուսային հիվանդության պայմաններում հանրակրթական ուսումնական հաստատություններում գործունեության կազմակերպման ուղեցույցը: Համաճարակային իրավիճակից ելնելով՝ դասերը կմեկնարկեն սեպտեմբերի 15-ից՝ առկա ուսուցմամբ, իսկ 1-ին դասարանցիները դպրոց կգան սեպտեմբերի 14-ին՝ մեկ անձի ուղեկցությամբ: Դասագրքերի բաշխումը դպրոցներում կիրականացվի օգոստոսի 20-ից սեպտեմբերի 10-ն ընկած ժամանակահատվածում: