7-օրյա աներևակայելի շրջագայություն Շարմ էլ Շեյխում.«Անռիվա» տուրի հերթական մեդիա տուրը
Հայաստանի զբոսաշրջային ոլորտում ավելի քան 8 տարի ակտիվ գործունեութուն ծավալող «Անռիվա» տուրն արդեն երկու տարի զանգվածային լրատվամիջոցների համար հանդես է գալիս հետաքրքիր նախաձեռնությամբ՝ կազմակերպելով ճանաչողական այց դեպի Շարմ Էլ Շեյխ և Հուրգադա: Լրագրողներին հնարավորություն է ընձեռվում մեկ շաբաթ շարունակ վայելել Կարմիր ծովի աներևակայելի գեղեցկությունն ու բացահայտել Արևելքի խորհրդավոր գաղտնիքները՝ և այդ ամենն աննախադեպ գնով: «Անռիվա» ընկերության շնորհիվ՝ 2017 թ-ից "AIR CAIRO" ավիաընկերությունը Երևանից կանոնավոր ուղիղ թռիչքներ է իրականացնում դեպի Շարմ էլ Շեյխ և Հուրգադա:
Բակո Սահակյանի պատասխանը Նիկոլ Փաշինյանին
Արցախի նախագահ Բակո Սահակյանն «Արցախպրես» լրատվական գործակալությանը եւ «Ազատ Արցախ» թերթին տված հարցազրույցում արձագանքել է Նիկոլ Փաշինյանի այսօրվա հայտարարություններին: «Եթե կան կասկածներ, անվստահություն այս կամ այն երեւույթի, անձի կամ պաշտոնյայի նկատմամբ, կարեւոր եմ համարում այդ հարցերի շուրջ փոխադարձ հարգանքի մթնոլորտում քննարկումների եւ ընդհանուր հայտարարի գալու անհրաժեշտությունը»,-ասել է Արցախի նախագահը: Նա նաև անդրադարձել է Փաշինյանի այն հայտարարությանը, թե նախորդ իշխանությունների ժամանակ պաշտոնական Ստեփանակերտը տեղյակ չի եղել բանակցային գործընթացի մանրամասներին: Ձեր ուշադրությանն ենք ներկայացնում Բակո Սահակյանի հարցազրույցն ամբողջությամբ:
Ուժեղ կարկուտ Շիրակում. գյուղացիների ամբողջ բերքը վնասվել է
Շիրակի մարզում նախօրեին տեղած ուժեղ կարկուտը լուրջ խնդրի առաջ է կանգնեցրել մի շարք համայքների բնակիչների: Գյուղացիների ամբողջ աշխատանքն ընդամենը մի քանի րոպեում ջուրն է ընկել: Վնասվել ու անպիտան են դարձել գրեթե ամբողջ ցանքատարածությունները: Թե որքան է կազմում վնասի չափը, կուսումնասիրեն մարզպետարանում ձեւավորված մասնագիտական խմբերը: Նրանք արդեն կարկտահարությունից տուժած համայնքներում են:
Սպասե՞լ արդյոք թոշակների և աշխատավարձի բարձրացման. ԱԺ-ում մեկնարկել են բյուջետային քննարկումները
«Չնայած քաղաքական վայրիվերումներին՝ կառավարությանը հաջողվել է գերակատարել 2018 թվականի բյուջեի պլանը»,- Ազգային ժողովում 2018-ի բյուջեի կատարողականի նախնական քննարկումների մեկնարկին հայտարարել է վարչապետ Նիկոլ Փաշինյանը: Արդյո՞ք կառավարությունը պատրաստվում է թոշակ, աշխատավարձ բարձրացնել : Հարցը Ֆինանսների նախարարին ուղղել է «Բարգավաճ Հայաստան» խմբակցության պատգամավոր Միքայել Մելքումյանը: Բյուջետային քննարկումների առաջին օրվա առաջին նիստի մանրամասները ներկայացնում է Իզաբելա Հովհաննիսյանը:
Ռոմինգում գտնվելիս գաղտնալսված Վանեցյանը խորհուրդ է տալիս ռոմինգից օգտվելիս ավել պակաս չխոսել
«Եթե կլինի որևէ մեկը, որևէ մի ուժ, որը կփորձի Հայաստանում զենքի կամ այլ ապօրինի միջոցով կատարել որևէ գործողություն, կստանա համարժեք, շատ խիստ պատասխան»,- Ազգային ժողովում լրագրողներին ասել է ԱԱԾ տնօրեն Արթուր Վանեցյանը՝ անդրադառնալով պատգամավոր Անդրանիկ Քոչարյանի այն հայտարարությանը, որ կլինեն ուժեր, ովքեր կարող են կանգնեցնել Նիկոլ Փաշինյանին: Վանեցյանը վստահեցրել է, որ ԱԱԾ-ն ամբողջությամբ տիրապետում է օպերատիվ վիճակին: Ուժային գերատեսչությունների ղեկավարները բյուջեի կատարողականի քննարկումից հետո անդրադարձել են նաև ոստիկանության զորքերի շտաբի նախկին պետի ձերբակալությանը:
«Գազպրոմ Արմենիան» տուգանվեց 10 միլիոն դրամով
Հանրային ծառայությունները կարգավորող հանձնաժողովն այսօր «Գազպրոմ Արմենիա» ընկերությանը տուգանել է տասը միլիոն դրամով։ Հանձնաժողովը պարզել է, որ որոշ դեպքերում չեն պահպանվել բնական գազի մատակարարման և օգտագործման կանոնների, ինչպես նաև ընկերության բնական գազի բաշխման լիցենզիայի պայմանների պահանջները։
Թեժ մթնոլորտ ՊՊԾ գնդի գրավման գործով նիստին. Պավլիկ Մանուկյանը հեռացվեց դահլիճից
Երևանի ընդհանուր իրավասության դատարանի Շենգավիթի նստավայրում շարունակվել է ՊՊԾ գնդի գրավման գործով ամբաստանյալների դատաքննությունը: Նիստի ընթացքում կրկին հարցաքննվել են վկաները: Դատարան հրավիրված 2 ոստիկանները հայտնել են, որ իրենց գործընկեր Յուրի Տեփանոսյանի սպանության պահին եղել են մոտակայքում: Երկուսն էլ նշել են, որ սկզբում կրակոցներ են լսել, հետո նկատել, որ սպանվածի մեքենայի հետևի ապակու վրա կա փամփուշտի հետք: Նիստն անցել է թեժ մթնոլորտում, ամբաստանյալներ Արեգ Կյուրեղյանն ու Պավլիկ Մանուկյանը վիճաբանել են դատավորի հետ:
Ինչու՞ է ԲՀԿ-ն կասկածելի համարում ՍԴ անդամի պաշտոնում Վ.Գրիգորյանի թեկնածության լեգիտմությունը
Անհանդուրժողականության մթնոլորտից մինչև Մարտի 1-ի գործ,Ապրիլյան պատերազմի հանգամանքներն ուսումնասիրող քննիչ հանձնաժողով. խորհրդարանական ճեպազրույցների օրակարգում վերջին օրերի ամենահրատապ թեմաներն էին: Անդրադառնալով ՀԱԿ ակտիվիստ Վարդան Հարությունյանին ծեծի ենթարկելու փաստին՝ ԱԺ փոխնախագահ Վահե Էնֆիաջյանը նշել է, որ օրենքի առաջ բոլորը հավասար են: «Բարգավաճ Հայաստան» խմբակցության պատգամավոր Իվետա Տոնոյանի գնահատմամբ էլ՝ բռնությունն անհանդուրժողականության հետ պատճառահետևանքային կապի մեջ է: