Items filtered by date: Չորեքշաբթի, 25 Նոյեմբերի 2020
Չորեքշաբթի, 25 Նոյեմբերի 2020 21:35

Էպիկենտրոն 25.11.2020

 

 

Published in Էպիկենտրոն
Չորեքշաբթի, 25 Նոյեմբերի 2020 20:30

Անցուդարձ 25.11.2020

Published in Անցուդարձ

Երեք անգամ հետաձգվելուց հետո այսօր երեկոյան վերջապես կայացել է ԱԺ պաշտպանության և անվտանգության հարցերի մշտական հանձնաժողովի արտահերթ նիստը: Օրակարգում «Լուսավոր Հայաստան» խմբակցության հեղինակած նախագիծն էր, որով առաջարկվում է չեղարկել ռազմական դրությունը: Առողջապահության նախարարությունը դեմ է արտահայտվել այս փուլում ռեժիմը հանելուն: Գլխավոր շտաբի ներկայացուցիչն էլ նշել է, թե որ դեպքում դրան կողմ կլինեն:

«Հայրենիք» կուսակցության նախագահ Արթուր Վանեցյանը տեսակցել է Նիկոլ Փաշինյանի հրաժարականի պահանջով անժամկետ հացադուլ հայտարարած ՀՅԴ անդամ Գեղամ Մանուկյանին և ՍԴ նախկին անդամ Կիմ Բալայանին: Վանեցյանը պատասխանել է նաև լրագրողների հարցերին, նոր մանրամասներ հայտնել ԱԱԾ տնօրենի պաշտոնից հրաժարվելու պատճառների վերաբերյալ: Նա հայտարարել է, որ Փաշինյանն իրեն մի շարք ապօրինի հանձնարարություններ է տվել։

Արցախից Հայաստան եկած բազմաթիվ քաղաքացիներ բնակարանի խնդրի առաջ են կանգնած: Նրանց մի մասը ծանոթների տներում են տեղավորվել, մյուս մասն էլ վարձով է բնակվում: Շատերը կորցրել են Արցախում իրենց տները, բազմաթիվ մարդիկ էլ անվտանգության նկատառումով վերադառնալու հնարավորություն չունեն: Բնակարան գտնելու ակնկալիքով մեր հայրենակիցները դիմում են Հայաստանում Արցախի կառավարության օպերատիվ շտաբ:

Քարվաճառն Ադրբեջանին է հանձնվում հենց այն ազատագրողի՝ Հայաստանի և Արցախի հերոս Մոնթե Մելքոնյանի ծննդյան օրը: «Եթե կորցնենք Արցախը, կշրջենք հայոց պատմության վերջին էջը»,- ասում էր Մոնթեն: Նա և իր զինակիցները Օմարի լեռնանցքն ազատագրել էին 1993-ի մարտ-ապրիլ ամիսներին: Նիկոլ Փաշինյանի ստորագրած եռակողմ հայտարարությունից հետո ռազմավարական նշանակություն ունեցող Քարվաճառի դարպասները Հայաստանի համար փակվեցին: Դարպասներից այն կողմ արդեն ադրբեջանական ուժերն են:

Շուշիի կորուստը մեծամասամբ քաղաքական որոշում էր, քան ռազմական, նման կարծիք է հայտնել WAR GONZO նախագծի հեղինակ, ռազմական թղթակից Սեմյոն Պեգովը: Ինչ վերաբերում է Հադրութին, ապա նրա կարծիքով, դա ավելի շուտ օբյեկտիվ ռազմական կորուստ էր, քան քաղաքական: Քչերն էին սպասում, որ անտառային ճանապարհով Հադրութ դիվերսանտներ կմտնեն: Քաղաքի համար մեկ շաբաթից ավելի կռիվներ են ընթացել:

Ֆրանսիայի Սենատի կողմից Արցախի անկախության ճանաչման բանաձևի քննարկմանն ընդառաջ՝ Le Monde պարբերականը հերթական հոդվածում անդրադարձել է ԼՂ հակամարտությանն ու կարգավորման գործընթացում պաշտոնական Փարիզի հնարավոր ազդեցությանը: «Ֆրանսիան կրկին փորձում է ազդեցություն ունենալ Լեռնային Ղարաբաղի հարցի վրա»,- իր հոդվածում նշում է լրագրող Պյոտր Սմոլյարը: Նա հատուկ ընդգծել է Արցախում թուրքական ներկայության վտանգավորության հարցն ու Հայաստանի ինքնիշխանության ու անվտանգության խնդիրը:

Պատերազմի հետևանքով Հայաստան տեղափոխված արցախցի մեր հայրենակիցները շարունակում են վերադառնալ իրենց հարազատ բնակավայրեր: Այսօր վաղ առավոտյան Երևանի «Կիլիկիա» ավտոկայանը կրկին մարդաշատ է եղել: Քաղաքացիների մի մասը գնում է` միանալու Արցախի պաշտպանությունն իրականացրած հարազատներին, մյուսները՝ վերականգնելու վնասված տները: Պատերազմից տուժած մեր հայրենակիցներն «Էպիկենտրոն»-ին ասել են, որ անկախ ամեն ինչից՝ Արցախն ինչպես եղել է, այնպես էլ շարունակում է մնալ հայկական:

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։