Հայ բռնցքամարտիկները Օլիմպիական ավանում վերջին մարզումներն են անցկացնում մինչև 22 տարեկանների Եվրոպայի առաջնությունից առաջ: Հավաքականի մարզիչ Դավիթ Թորոսյանի գլխավորությամբ այս մրցաշարին կմասնակցի 7 մարզիկ:
Շիրակի պետական համալսարանից հեռացված երկու դասախոսներին՝ Հովհաննես Խորիկյանին և Գագիկ Համբարյանին աշխատանքի վերադարձնելու նպատակով ԲՈՒՀ-ի ուսանողական խորհուրդը ստորագրահավաք է սկսել, դիմել են հանրապետության նախագահին և դասադուլ են հայտարարել: Հիշեցնենք, որ ամիսներ առաջ Շիրակի պետական համալսարանի աշխատակից Գագիկ Համբարյանն անդրադարձել էր կրթօջախի ռեկտորի գործունեությանը՝ վերնագրելով այն «Շիրակի պետհամալսարանի ռեկտորի ընդունելության կոպուպցիոն սխեմաները»:
Զինված ուժերում մարդու իրավունքների եվրոպական չափանիշների կիրառման ամրապնդումը Հայաստանում ծրագրի ընթացքում քննարկել են Ընդդեմ Հայաստանի Մարդու իրավունքների եվրոպական դատարանի վճիռների կատարումը: Երկու օր շարունակվող քննարկման ընթացքում կողմերը կուսումնասիրեն վատ վերաբերմունքի արդյունավետ քննության ձեւերը: Հայկական կողմը նշել է, որ պատրաստ է ցանկացած գործակցության մարդու իրավունքների խնդիրների լուծման համար:
Մեկնարկել է ազգային ժողովի հերթական քառօրյան: Պատգամավորներն այսօր արդեն քննարկել են մեկ տասնյակից ավելի հարցեր: Նրանց ուշադրության կենտրոնում է եղել նաև ՍԴ նախագահի պաշտոնում ՍԴ անդամ, ՀՀԿ խմբակցության նախկին պատգամավոր Հրայր Թովմասյանի թեկնածության քննարկումը:
Հազարավոր նոր աշխատատեղեր, տնտեսության միանգամից մի քանի ճյուղերի զարգացում. «Մուլտի Գրուպ» կոնցեռնը, հիմնադիր Գագիկ Ծառուկյանի նախաձեռնությամբ, «Առինջ Մոլ» առևտրի կենտրոնի հարևանությամբ միաժամանակ մի քանի մեծամասշտաբ ծրագիր է իրականացնում: Դրանցից մեկն արդյունաբերական խոշոր քաղաքի հիմնումն է: Ավելի քան 75 միլիոն դոլարի ներդրման շնորհիվ 5 տարվա ընթացքում կկառուցվի 10-13 գործարան, կստեղծվի մոտ 5000 աշխատատեղ: Առաջին գործարանի բացումը նախատեսված է 2 ամիս անց: Նույն ժամանակահատվածում տեղի կունենա նաև արևային համակարգերի արտադրությամբ զբաղվող «Մուլտի Սոլար» գործարանի բացումը: Խոշորածավալ ներդրումներ են կատարվել նաև կրիպտովալյուտայի և ոսկու արտադրության ոլորտներում: Գագիկ Ծառուկյանի ուղեկցությամբ շինարարարական աշխատանքների ընթացքին հետևել է նախագահ Սերժ Սարգսյանը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv