Մարտի 1-ից որոշ դեղեր կվաճառեն միայն դեղատոմսով
Մեր հիմնական ուղերձն է՝ հիվանդը բժշկի մոտ է գնում բուժում ստանալու, այլ ոչ թե դեղատոմս: Եվ բուժում նշանակելու ընթացքում դեղերը պետք է ձեռք բերվեն դեղատոմսով,-օրեր առաջ հայտարարեց առողջապահության փոխնախարարը: Հիշեցնենք, որ նախարարությունը նախատեսել է բազմակի անգամ օգտագործվող դեղատոմսեր, քանի որ քրոնիկ հիվանդները կարիք ունեն անընդհատ ամիսների ընթացքում դեղեր ստանալու, և բազմակի օգտագործման դեղատոմսով նրանք կարող են 6 ամսվա ընթացքում ձեռք բերել իրենց դեղերը:
Տեղի է ունեցել ԱԺ-կառավարություն հարցուպատասխանը
ԱԺ-Կառավարություն հարցուպատասխանի ժամանակ Ծառուկյան խմբակցության պատգամավորների ուշադրության կենտրոնում է եղել բարձրագույն կրթության մասին օրենքի նախագիծը: Պատգամավոր Սերգեյ Բագրատյանը վարչապետից հետաքրքրվեց ծախսերի օպտիմալացման ծրագրից: Ծառուկյան խմբակցության պատգամավոր Գևորգ Պետրոսյանն էլ դժգոհել է կառավարությունից ընդդիմության նկատմամբ իրենց դրսևորած վերաբերմունքից:
Սումգայիթի ոճրագործության անպատժելիությունը բերում է նոր ոճրագործությունների
Սումգայիթի ոճրագործության անպատժելիությունը բերում է նոր ոճրագործությունների, ինչպիսիք էին հայկական կոտորածները և էթնիկ զտումները Բաքվում, Կիրովաբադում, Մարաղայում և շատ այլ վայրերում՝ Ժնևում ելույթ ունենալով ՄԱԿ Մարդու իրավունքների խորհրդի 37 – րդ նստաշրջանում, նշել է Հայաստանի արտաքին գործերի նախարարը: Էդվարդ Նալբանդյանը հանդիպել է ՄԱԿ – ի Ժնևի գրասենյակի գլխավոր տնօրենի հետ, ներկայացրել ղարաբաղյան խնդրի խաղաղ կարգավորման ուղղությամբ Հայաստանի և ԵԱՀԿ Մինսկի խմբի համանախագահների ջանքերը: Հանդիպմանը անդրադարձ է եղել նաև հոկտեմբերին Երևանում կայանալիք Ֆրանկոֆոնիայի միջազգային կազմակերպության գագաթնաժողովին:
«Գ. Ծառուկյան» հիմնադրամը ֆինանսական աջակցություն է տրամադրել Սումգայիթի ջարդից փրկված 10 ընտանիքի
Ավանդույթի համաձայն այսօր` Սումգայիթի ջարդերի տարելիցի օրը, Գագիկ Ծառուկյան բարեգործական հիմնադրամի հոգաբարձուների խորհրդի անդամ Ռոզա Ծառուկյանն այցելել է Կոտայքի մարզի Բյուրեղավան քաղաք և հանդիպել Սումգայիթի ջարդից փրկված 10-ը ընտանիքների հետ: Նա հայտնել է, որ Ծառուկյանների ընտանիքը՝ Գագիկ Ծառուկյանի գլխավորությամբ, մշտապես նրանց կողքին է՝ պատրաստ նեցուկ լինելու ցանկացած հարցում: Ինչպես յուրաքանչյուր տարի, այս անգամ ևս բոլոր 10-ը ընտանիքները հիմնադրամի կողմից ֆինանսական աջակցություն են ստացել:
ԱՎԾ վիճակագրական թվերին հանրությունը չի հավատում
Այսօր ԱԺ-ը ընտրել է Բարձրագույն դատական խորհրդի առաջին կազմի հինգ անդամին ընտրելուց հետո շարունակել է քննարկել օրակարգային հարցերը: Պաշտոնական վիճակագրության մասին օրենքի նախագծի քննարկման ժամանակ ԱԺ փոխնախագահ Միքայել Մելքումյանը շեշտել է, որ օրենքի հիմնական մտահոգությունը կեղծ կամ ոչ հավաստի տվյալների հրապարակման համար պատասխանատվության ինստիտուտն է: Ծառուկյան Խմբակցության պատգամավոր Նաիրա Զոհրաբյանն էլ դիմելով դահլիճում նստած ԱՎԾ ղեկավար Ստեփան Մնացականյանին՝ հարցրեց, թե փորձե՞լ է հասկանալ, ինչու աղքատության, գործազրկության, արտագաղթի, գնաճի վերաբերյալ նրանց տրամադրած վիճակագրական թվերին հանրությունը չի հավատում:
Խորհրդարանը փակ գաղտնի քվեարկությամբ ընտրել է Բարձրագույն դատական խորհրդի հինգ անդամին
Ընտրությունն անցել է առանց միջադեպի, սակայն ընտրության արդյունքը թեժացրել է վիճակը: ԵԼՔ խմբակցությունը իշխող հանրապետականին մեղադրել է ընտրությունը կեղծելու համար: Հանրապետականն էլ պատրաստակամություն է հայտնել վերահաշվարկ անել:
