Մոսկվայում տեղի է ունեցել Հայաստանի վարչապետի պաշտոնակատար Նիկոլ Փաշինյանի եւ Ռուսաստանի նախագահ Վլադիմիր Պուտինի հանդիպումը: Կրեմլի ղեկավարը շնորհավորել է Նիկոլ Փաշինյանին խորհրդարանի արտահերթ ընտրություններում տարած համոզիչ հաղթանակի առթիվ և մաղթել հաջողություն բոլոր ծրագրերի իրականացման գործում: Նիկոլ Փաշինյանը հաստատել է, որ Հայաստանը մտադիր է զարգացնել հարաբերությունները Ռուսաստանի հետ բոլոր ոլորտներում և դրական է տրամադրված ԵԱՏՄ-ի շրջանակներում ինտեգրմանը։ Կրեմլի ղեկավարը նշել է, որ Հայաստանի հետ հարաբերությունների դինամիկան պետք է պահպանել ոչ միայն տնտեսական գործակցության, այլև անվտանգության ապահովման բնագավառում՝ ՀԱՊԿ-ում և ԵԱՏՄ շրջանակներում: Նիկոլ Փաշինյանը Վլադիմիր Պուտինին հաջորդ տարի պաշտոնական այցով հրավիրել է Հայաստան:

Կառավարությունը մոտ 6 մլրդ դրամ է հատկացնելու նախկին զինծառայողների բնակարանային խնդիրը լուծելու համար: Գործադիրը հաստատել է Պաշտպանության նախարության առաջարկը: Գազի գին, նախարությունների վերամիավորում, շոու բիզնեսի ներկայացուցիչներին հարկելու որոշում. կառավարության նիստից հետո պաշտոնյաներն անդրադարձել են վերջին օրերի ամենաքննարկվող թեմաներին:

Հոսանքի սակագնի իջեցում նոր տարում չի լինի: Հանրային ծառայությունները կարգավորող հանձնաժողովը ներկայացրել է էլեկտրանէներգիայի սակագինը վերանայելու՝ իր ուսումնասիրությունները: Հոսանք արտադրող ընկերությունների խնայողությունները թույլ են տալիս սպասվող տարում բոլոր սպառողների համար էներգիայի գինը նվազեցնել 0.37 դրամով: Որոշակի հաշվարկների ու վերլուծությունների արդյունքում մասնագետները որոշել են 2019-ի փետրվարից բոլոր սպառողների համար հոսանքի գինը թողնել անփոփոխ, փոխարենը նվազեցնել միայն սոցիալապես անապահովների լույսի վարձավճարը՝ կիլովատտ ժամի համար սահմանելով 10.1 դրամ:

Քաղաքացուց կաշառք վերցնելու պահին ձերբակալվել է ոստիկանության աշխատակիցը: 700 դոլարի դիմաց նա քաղաքացուն խոստացել է կարճել ոստիկանություն նրանից ստացված բողոքը: Սակարկության արդյունքում քաղաքացին 500 դոլար կաշառք է տվել, եւ այն տալու պահին ազգային անվտանգության ծառայության աշխատակիցները նրան ձերբակալել են: Չարաշահումներ են եղել զինված ուժերի համար հենակետերի կառուցապատման աշխատանքների ընթացքում: Մեղադրանք է առաջադրվել 10 անձի, որոնցից 3-ը բարձրաստիճան զինվորականներ են: Սահմանապահները Իրանից եկող ավտոբուսում էլ թմրամիջոց տեղափոխող ուղեւորի են ձերբակալել: Օրվա քրեաիրավական նորությունները` մեկ տեսաշարով:

Հայաստանի ազգային օլիմպիական կոմիտեի նախագահ Գագիկ Ծառուկյանն այսօր ավտոմեքենաներով է պարգևատրել ըմբիշ Կարեն Ասլանյանին, հեծանվորդ Էդգար Ստեփանյանին և ջրացտկորդներ Լև Սարգսյանին ու Վլադիմիր Հարությունյանին: Պարգևատրվելուց հետո մարզիկներն ընդգծել են, որ ուշադրությունը կոգևորի ոչ միայն իրենց , այլև մատաղ սերնդին , որոնք կտեսնեն, որ հայրենիքին փառք ու պատիվ բերած ոչ մի մարզիկ չի անտեսվում:

Հայաստանի ազգային օլիմպիական կոմիտեի նախագահ Գագիկ Ծառուկյանն այսօր ավտոմեքենաներով է պարգևատրել ըմբիշ Կարեն Ասլանյանին, հեծանվորդ Էդգար Ստեփանյանին և ջրացտկորդներ Լև Սարգսյանին ու Վլադիմիր Հարությունյանին: Պարգևատրվելուց հետո մարզիկներն ընդգծել են, որ ուշադրությունը կոգևորի ոչ միայն իրենց , այլև մատաղ սերնդին , որոնք կտեսնեն, որ հայրենիքին փառք ու պատիվ բերած ոչ մի մարզիկ չի անտեսվում: