Հայաստանում բանկային համակարգում գրավադրվող գույքի գնահատման բացթողումների, անշարժ գույքի շուկայում տիրող վիճակին է անդրադարձել Անշարժ գույքի գնահատման ընկերության տնօրեն Արա Ադուրյանը: Վարկառուների կարծիքով գնահատող ընկերությունները արհեստականորեն ցածր են գնահատում անշարժ գույքը: Բացի շուկայական արժեքից, գնահատողները գնահատում են նրա լիկվիդային արժեքը,- պարզաբանել է Ադուրյանը: Դա իրենից ներկայացնում է գույքի ավելի արագ, նախատեսվող ժամանակից ավելի շուտ իրացվելիք արժեք:
Ազգային ժողովի պատգամավորները շարունակում են քննարկել 2018 թվականի բյուջեի մասին օրենքի նախագիծը: Պատգամավորներին է ներկայացվել ուժային կառույցներին տրամադրվող ֆինաննսական միջոցները: Այս տարի բացի ազգային անվտանգության ծառայությունից մյուս ուժային կառույցներին պետական բյուջեից հատկացվող փողը կրճատվել է:
Եթե Ադրբեջանը խելքի գա և իրոք Արցախի խնդրի լուծումը լինի փոխզիջումային, ապա բնական է դա կողմերի համար ցավալի կլինի, այսօր խորհրդարանում հայտարարել է արտաքին գործերի փոխնախարար Շավարշ Քոչարյանը՝ լրագրողների խնդրանքով մեկնաբանելով Արցախի խնդրի ցավոտ լուծման վերաբերյալ Նախագահ Սարգսյանի ավելի վաղ արած հայտարարությունը: Քոչարյանն ավելացրել է նաև, որ այսօր որևէ նշան չկա, որ Ադրբեջանը պատրաստ է գալ կոնստրուկտիվ դաշտ: Այս հայտարարությունները Քոչարյանն արել է բյուջետային քննարկումից հետո, որի ժամանակ ներկայացվում էին արտաքին քաղաքականությանը հատկացված ֆինանսները:
Հնդկաստանի Հանրապետության վարչապետ Նարենդրա Մոդիի հրավերով աշխատանքային այցով Հնդկաստանում գտնվող Նախագահ Սերժ Սարգսյանն այսօր Նյու Դելիում մասնակցել է «Համաշխարհային պարեն. Հնդկաստան-2017» համաժողովի լիագումար նիստին և նույն խորագրով միջազգային սննդարդյունաբերության ցուցահանդեսի բացման հանդիսավոր արարողությանը, որին ներկա են ավելի քան 20 երկրից մոտ 2000 մասնակից: Համաժողովում Հանրապետության Նախագահը հանդես է եկել ելույթով: : Նախագահ Սերժ Սարգսյանը հանդիպում է ունեցել Հնդկաստանի վարչապետ Նարենդրա Մոդիի եւ Հնդկաստանի փոխնախագահ, խորհրդարանի վերին պալատի նախագահ Վենկայա Նայդուի հետ:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv