Արցախում ծառայություն իրականացնող ժամկետային զինծառայողների ծնողներն այսօր կրկին հավաքվել են կառավարության շենքի մոտ: Նրանք պահանջել են հնարավորություն տալ իրենց որդիներին վերադառնալ Հայաստան: Ծնողները բարձրացրել են նաև առաջնագծում գտնվող զինծառայողների կացության ու սանիտարահիգիենիկ պայմանների բարելավման հարցը: Ակցիայի մասնակիցները պահանջագիր են ներկայացրել Նիկոլ Փաշինյանին՝ հայտարարելով, որ խնդիրների չլուծման դեպքում կդիմեն կտրուկ քայլերի: