Չնայած սպասումներին՝ Սահմանադրական դատարանն այսօր այդպես էլ նախագահ և փոխնախագահ չի ընտրել: Ժամեր շարունակ տևած քննարկումից հետո նիստն ընդհատվել է աշխատանքային ժամի ավարտով պայմանավորված: ՍԴ դատավոր Էդգար Շաթիրյանը լրագրողներին ասել է, որ նիստը կշարունակվի վաղը՝ ժամը 11-ին՝ առանց լրագրողների ներկայության: Այսօր քննարկվել են մի քանի տեխնիկական հարցեր: ՍԴ դատավոր Հրայր Թովմասյանն էլ հրաժարվել է պատասխանել լրագրողների հարցերին՝ նշելով, որ ասելիք չունի: