Այսօր Արցախի Հանրապետության հռչակման օրն է: 1991 թվականի հենց այս օրը Ստեփանակերտում տեղի ունեցավ պատգամավորների մարզային և Շահումյանի շրջանային խորհրդի համատեղ նստաշրջանը, որի ժամանակ ընդունվեց «Հռչակագիր Լեռնային Ղարաբաղի Հանրապետության հռչակման մասին»: Նույն թվականի դեկտեմբերի 10-ին տեղի ունեցավ հանրաքվե, որը հաստատեց Լեռնային Ղարաբաղի անկախությունը: Սեպտեմբերի 2-ը դարձավ 1988-ին հրապարակ դուրս եկած համաժողովրդական շարժման կարևոր հանգրվանը: Արցախի նախագահն ու ՀՀ ԱԺ նախագահն այսօր այցելել են Ստեփանակերտի քաղաքային հուշահամալիր, ծաղկեպսակ խոնարհել Արցախյան և Հայրենական պատերազմում զոհվածների հիշատակին: